Read Biblia Mixe de Quetzaltepec Salmo 57 Bible Online

Salmo 57 - Biblia Mixe de Quetzaltepec bible

Salmo 57

¹Tios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.

²Minës yë Tios Ni'ik Këjxmëpë mëk n'ëkmëkäjpxy ets mëti'ipës xypyutëjkëpën oymyaajëty.

³Yë'ë kyukäjxnaxäämpy yë tsyojkën jya'awën ets tyiyajtën jam tsajpjotm, etsës xyajtso'oka'any ma ja'ay kyë'ë y'aawëtyën mëti'ipës xypyajëtijtëpën tä yë uk'iinpën.

⁴Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

⁵Tios, mëti'ipës nTios'ajtypyën, mijts jam tsajpkëjxm myajpaaty. Mijts myajwintujkpy yë naaxwiinyëtë mëët yë mmëj'ajt m'oyajtën.

⁶Yë nmëtsiptëjkës kanaakjëjp yë winma'any të t'ixta'atë mëti'ipës jeexyë ëxëëk xyajjajtp xyajkëpäjtpën; tëës xynyëë'ëtuk xytyu'u'ëtuktë, e yë'ë kë'ëm ëxëëk të jyat të kyëpätë.

⁷Yë njot nwinma'anyës a'ijxp jëjp'ijxp y'ity ma mijtsën Tios, mëti'ipës nTios'ajtypyën; yë njot nwinma'anyës a'ijxp jëjp'ijxp tyimyajpaaty ets t'ëwa'any tya'axa'any yë m'ëy myä'äxy.

⁸Mijts jot anëmë, mëti'ipës njot'ajtyp n'anëmë'ajtypyën, juukym xëmë m'itëty; ëjts ntsojkpyës ets xuxpë koopë xyu'uxtëty kyowtëty, ets xoontä'äky nkuxëënytya'ak nkujajta'akëtyës.

⁹Nmëjpëjkta'akäämpy mijts Wintsën, ma naax kajpnën mëjpë mutskpë.

¹⁰Jä'ä ko yë mtsojkën mja'awën jëtu'un myëjëty tä tsajpën; yë mtëyajtën mjaantyajtën jyëkyejpy mëët n'ijxkijpxmëty yë tsuxk tsajp.

¹¹Tios, mëti'ipës nTios'ajtypyën, mijts jam tsajpkëjxm myajpaaty. Mijts myajwintujkpy yë naaxwiinyëtë mëët yë mmëj'ajt m'oyajtën.