Read Biblia Mixe de Quetzaltepec Salmo 59 Bible Online

Salmo 59 - Biblia Mixe de Quetzaltepec bible

Salmo 59

¹Tios mëti'ipës nTios'ajtypyën, jëwoow jëwijtskës maas yë nmëtsiptëjkën; yajnitsokës ma kyë'ë y'aawëtyën yë ja'ayëty mëti'ipës xyajtsëtyutan xyajwintëkoyantëpën.

²Yajpëtsëëmkës jam ma ja'ayën mëti'ipë ëxëëk winë tyuuntëpën, ets mijtsës xyajtso'okëp ma yajja'ay'o'kpën,

³jä'ä ko tää ja'ay jotmëkëtypë ka'apë tsyë'ëkëtën, mëti'ipë y'ëwxijtëpën jëna'ajës xy'ëkyaj'ooktë.

⁴Wintsën, ëjts ka'apës yë ëxëëk winma'any nmëëtëty, ka'apës tii ntuuntëkoy, ka'apës tii ëxëëk ntuny nkäjpxy, e yë'ëjëty xytyimyaj'ookantëpës. Paaty tyam ëkjootwij; minës putëjkëk ets ni''ijxë'kës.

⁵Mijts Wintsën, Tios mëti'ipë maaytyääyëpën winë, yë Israel yë Tyios, ëkma'aypyëtë'ëk ets tukumëtow tääpë ja'ayëty mëti'ipë oynatii y'ëwtajtëpën; këtii xypya'ëyoy tääpë ëxëëkja'aytyëjk mëti'ipë jyiiky myëku'uk kyë'ëyajktëpën.

⁶Ko koots wyinpijnëtë jëtu'un wyojnëtë ukën, ets jyëtitë tu'kkajpnjoty.

⁷Je'eyë o'pky pyëtsëëmnë ma y'aawëtyën, ko kyajpxtë tä ëxëëk yajmëtoyën, ets y'ëna'antë: Ka'ap ma pën, pën xy'ëkmëto'owmëp.

⁸E mijts, Wintsën; je'eyë xytyimtukxi'iky; je'eyë xytyimnëxi'iky xytyimtukxi'iky tääpë ja'ayëty mëti'ipë ka'ap Tios t'ëwtatën.

⁹Ma mijtsën Tios kuwa'anyës jam n'ita'any, jä'ä ko mijts mëj'äämpy nyaj'ijtyp ets ntukjotkujk'ajtyp, mijts xykyuwaanp xynyixajpës.

¹⁰Yë Tios mëti'ipës xytsyojkp xyjya'apën, yë'ëjës xynyiminaanp; etsës xytyuk'ixa'any ko ënäty ja nmëtsiptëjkës tyëkooynyëtë ets kya'ëkmëtaknëtë.

¹¹Këtii xypya'ëyowëty, etsës yë nkajpn yë'ë tukja'amyätsëty, axit ako'owë yajjat mëët yë mëj'ajtën, ëxëëk yajjat yajkëpät. Yë Wintsën yë'ë nkuwaanpë'ajtëm.

¹²Kë'ëm nyätyëkoyëtë ko nëkoo ëxaty y'ëna'antë; Wä'än ënät kë'ëm nätyuktëytyunëtë ko nyämyëjaw nyäjyääntyjyawëtë ets ko nëkoo tii tkajpxtë ka'apë myëtëyëtyën.

¹³Yajkëjxta'a; yajkëjxta'a yajnajxta'a, mëët yë mtsip m'äkë. Wä'än jëtu'unyë tëkooytya'atë. Ets tëkokyë yë ja'ay nijawëtëty ko Tios yë'ë ënä'ämp ma Jacob nyaax kyajpnën ets ma tëkokyë naaxwiinyëtë y'ëwtityën.

¹⁴Ko uxëp wyimpijnëtë jëtu'un tä ukën wyojtë, ets tukye'eyëtya'atë naax kajpn, t'ixta'atë pën ëkjë'kxypyatëp, e ko tkapaatë may tääts je'eyë jyaak wojmu'utë.

¹⁶E ëjts ënät, winjopy mijts nkuuy'ëwa'any; jëtu'unës ntukyaaxëja'any ntukjokëja'any yë mtsojkën mja'awën ets mëk'ajtën. Jä'ä ko mijtsës të xykyuwa'any të xynyixajy, mijts tsoktakn të nwa'any koos mon tuk të nyajpaaty.

¹⁷Mijts ntukwin'ëwäämpy yë oyëtypë ëy yä'äxy; mijts Tios mëti'ipës nTios'ajtypyën, jä'ä ko mijtsës xyajjotmëktakp, ets mijtsës xykyuwaanp xynyixajp; mijts Tios mëti'ipës xytsyojkp xyjya'apën.