Read Biblia Mixe de Quetzaltepec Salmo 75 Bible Online

Salmo 75 - Biblia Mixe de Quetzaltepec bible

Salmo 75

¹Nkukajpxëtëp, mits Tios, nkukajpxëtep; nkajpxpatëpës ja mxëëw ets nkuuy'ëëwtëpës ja tëëpë xytyunyën, jä'ä ko mëj këjää winë të xytyuny të xykyäjpxy.

²Jëtu'un yë Wintsën y'ënä'äny: Nwin'ixäämpyës tu'uk yë xëëw jëmëjt maas nipaye'eyä'änyën tëkokyë yë nëë poky, ijxtëm yajxon tyiyajtënëtyën.

³Ko yë naaxwiinyëtë tyëkë yu'kxpë, mëët tëkokyë mëti'ipë ënäty tsënaay juuky'ajtëpën ma yë'ëjën, ëjts npëjk'ijtyp nmajts'ijtyp ma yajxon nyäkyumatsëtëtyën,

⁴Yë ëxëëkja'aytyëjk mëti'ipë nämyëjja'aw näjyääntyja'awëtëpën tyaajës n'ënëëmëtë: Këtii nëkoo mnäkyumayëtë ets janty mëj janty këjxm mnäyajnaxëtë;

⁵këtii nëkoo janty yë'ë xykyatuk'ëmontë ko winë mmayëtë, ets këtii nëkoo këxy këpety mtimy'ëna'antëty ko mmëtya'aktëty.

⁶Jä'ä ko yë nipaye'eyën ka'ap jam tsyoony xëëwpëtsëmtsyow ëkë xëëwkëtä'äkytsyow, ëkë të'ëts'itjotm ëkë yukjotm,

⁷yë Tios yë'ë nipaye'epyë'ajtp, pënety tyajtsëtyuny ets pënëty tyajmëjnaxy.

⁸Ko yë Tios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënäty yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

⁹Ëjts yë'ëjës xëmë nnikajpxäämpy nnimëtya'akäämpy yë Tios, mëti'ipë Jacob Tiosajtën, etsës yë'ë ntukwin'ëwa'any yë xoontakën;

¹⁰jä'ä ko yë'ë yajkutëkooytya'ajäämpy tëkokyë mëti'ipë ënäty ja ëxëëkja'aytyëjk të nyätyukmëjjawëtën, ets tyajmëjëja'any tyajkëjääjëja'any ja myëj'ajtën kyutujkën ja ja'ay oypyë jyot wyinma'anyën.