Read Biblia Mixe de Quetzaltepec Salmo 95 Bible Online

Salmo 95 - Biblia Mixe de Quetzaltepec bible

Salmo 95

¹Mintë ni'ëmukë, tsojk nwin'ë'ëw nwinyaxëm yë Wintsën mëët yë xoontakën; tsojk nja'amyäjtsëmë ets ntukxoontakëmë mëti'ipë xykyëwent'ajtëmën ets xyajnitsokëmën.

²Tsojk nwinkuwa'këmë mëët yë kukajpxën ets ntukxoontakmëty mëët yë ëy ma yajmëjpëjktä'äkyën.

³Jä'ä ko yë nWintsën'ajtëm, mëj Tios yë'ë, mëti'ipë mëj ënä'ämpë'ajtpën ma tu'kë'ëyë tios yajpaatyën.

⁴Yë'ë y'ijxtääpy nyija'awëtyääpy wi'ix jap naaxpa'tkë'p yajpaatyën, ets yë'ë näjyëtu'un jyä'ä'ajtääpy tëkokyë yë tun kopk mëti'ipë këjxmëtyën.

⁵Yë nëëmejy yë'ë jyä'ä'ajtyp, jä'ä ko yë'ë ojts tyajkojy; yë'ë ojts mëët kyë'ë tyajkojy yë të'ëtsnaax.

⁶Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

⁷Jä'ä ko Tios yë'ë n'ëwtajtëmë ets xykyajpn niwa'anëmë, jëtu'un xymyëët'ajtëmë tä yë ja'ay yë tsyajppax tkëwent'atyën. Mëtoow'itë tyam mëti'ipë ntukmëmëtya'akanëtëpën.

⁸Këtii yë mjot mwinma'any juun xypyëjkta'aktë, jëtu'un ijxtëm ojts jyäty kyëpetyën jam Meribá, ets jëtu'un ijxtëm ojts jam tëkok jyätyën Masá, jam të'ëts'itjotm,

⁹ko ojts yë m'ap m'okëty je'eyë xywyinma'any'ixtës, etsës winë ntunëty, oy ënäty të tja'ixtë koos winë mëj këjää ntuny nkäjpxy.

¹⁰Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.

¹¹Paaty ojts npokyës etsës t'ënëmaaytyë, ko ka'ap jam tyëkëja'antë maas ja npo'kxtaknën.