Read Biblia Mixe de Quetzaltepec Eclesiastés 11 Bible Online

Eclesiastés 11 - Biblia Mixe de Quetzaltepec bible

Eclesiastés 11

¹Yajkay yë ja'ay, mëti'ipë yuu'o'këpën; ko ënäty mijts myu'ookyë nëjkxëp tääpë ja'ay myajkayë.

²Mo'ojëp yë mjëëky mëku'uk mëti'ipë mëët'ajtypyën mapaat mëtä'äkyën, jä'ä ko ka'ap yajnijawë tii ëyo'on miimp këtakp naaxjoty kajpnjoty.

³Ko yë yoots yaj'ixy yëk, tu'ujaanp ënäty. Oy anëkëjxmtsow ëkë oy ëpa'tkë'ëytsyow kyëtawëty yë kepy yi'iyë yajnija'ap ko jamyëtën wyë'ëma'any ma ënäty të kyëtäyën.

⁴Mëti'ipë je'eyë y'ijxypyën maatsow pyojyën ka'ap nyi'ipy tyuny ets mëti'ipë je'eyë y'ijxypyën yë yoots nëma'a ka'ap tyajpëtë'ëky yë pyëjktä'äky.

⁵Jëtu'un ijxtëm ka'ap xynyijawën maatsow yë poj nyijkxyën ets wi'ix yë pi'k ëna'k jap kyojyën tyaakjootjoty, nän ka'ap xynyijawë wi'ix yë Wintsën tiijaty tuny, mëti'ipë ojts winë tyajkojta'ayën.

⁶Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

⁷Janty oy yajtukxoontä'äky ko jopyëp yë xëëw pyëtsimy;

⁸e oy jeky njajuuky'ajtmëty ets ntukxoontakmëty winë, yë'ë yaja'aymyätsaanp xëmë ko jäkaanp ni'ik ja kootsajtën ma o'kënë tëko'oyënën ets mëti'ipë miimp wiinkoonpën natëkë winma'any yë'ë.

⁹Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

¹⁰Këtii nëkoo mon mtukëty ets këtii nëkoo mkumay mkutajëty, jëkäm xypyëjkta'akëty yë ëyo'on jotmay, jä'ä ko yë'ëpaat ko n'ëna'k'ajtmëty natëkë winma'any näjyëtu'un.