Read Biblia Mixe de Quetzaltepec Isaías 38 Bible Online

Isaías 38 - Biblia Mixe de Quetzaltepec bible

Isaías 38

¹Ënät ojts yë Ezequías mëk pa'am pyäätyë. Tääts yë Jeséas käjpxynyajxpë nyimiinë ets y'ixa'anyë wi'ix ënäty yajpaatyën, ënät y'ënëmaayë: Jëtu'un yë Wintsën y'ënä'äny: Oy y'oyëty ko xyakëty ja m'aaw m'ayuk naamka'anëm m'ookynyëm, jëtu'un nijawëtëty ja m'u'unk mto'oxytyëjk tii mtsojkën'ajtypën, jä'ä ko m'ookaanp tsojk, ka'ap mtso'oka'any.

²Ënät ja Ezequías jam myëj'ijxpejty potsywinm ets tyëjkëy Tios mëkajpxpë ets y'ënäny:

³Tyam nmënu'kxtä'äky mijts Wintsën ets xyjyä'äymyätsëty wi'ix oy të nmëtunyën ets tëy tëtä'äky të nyajtu'uye'eyës yë njuukyajtën, tëë npatunyës ijxtëm mijts xy'oyjyawën. Ko nyu'kxtaktaay tääts tyëjkëy yaxpë.

⁴Ënät ja Wintsën ojts tuk'ëne'emy ja Jeséas

⁵ets nëjkx t'ënëëmë ja Ezequías: Jëtu'un ja Wintsën y'ënä'äny, mëti'ipë y'ëwtajtën yë m'apteety David: Tëës nmëtoy ijxtëm mijts të m'ëna'anyën ets mjë'ëyën myaxën tëëjës nmëtoy. Tyamës njaakyajkëjääjëja'any majkmokx jëmëjt yë mjuukyajtën.

⁶Mijts ets tëkokyë yë Jerusalén kajpn nputëkëjäämpyës ets nyajtso'okäänpyës, këtiipë nëkoo nyitëkëtëty yë Asiria yajkutujkpë. Ëjts ja naax kajpn n'ijx'itäämpy nkëwent'atäämpyës.

²¹Ojts yë Jeséas tyaj'oyë yë tsatym myo'otsy ets yajtuknipëkëty ja tsyëtyut ja yajkutujkpë ets ja yajkutujkpë tsyoky.

²²Ënät ja Jeséas tyajtëëy: ¿Tiijës ntuk'ixëp etsës nnijawëty ko jyëkyejpyës nnëjkxëty ma tsajptëjkën? Ënät ja Jeséas y'ëtsooy: Ya'atë ja Wintsën yäjkpy ijxpäjtën ko yë'ë tyunäämpy mëti'ipë të tnikäjpxyën. Ma xëëw mëtyoowpën mëti'ipë myëët'ajtypyën yë Ahaz, tyamës yë xëëw nyaj'ixtëkë ye'eyä'äny majk wä'äkyën ma jam kyëta'akanën. Ënät ja xëëw majk wä'äky ojts y'ixtëkëwä'äky ets näjyëtu'un ojts ja y'äpk y'ixtëkëwä'äky. Ko ja Judá yajkutujkpë tsyoky y'akëtäky, ënät tyaj'o'oyëy ya'atë ëy: Tyaajës ënäty ëjts të nmay të ntajy: Maas ënäty jotkujk njuuky'ätyën jääjës nëjkx ntso'onë; jä'ä ko jëtu'un të nyaj'ëne'emyës koos jam nnëjkxëty ma xëmëkyëjxm ooky nyajpatmëtyën. Etsës të nmay të ntajy: Ëjts ka'apës nëjkx Wintsën n'ëk'ijxnë yaa naaxwiiny naaxkëjxy, ni pënës nka'ëk'ixanë mëti'ipë yaa juuky'ajtëpën. Tëës ja ntsënaaytyakn xyajma'ta'atë, tëëjës xypyëjkëtë tä tsajppax këwent'ajtpën kupixyny këwent'ajtpën yajpëjkëtën yë y'ijt (...)