Read Biblia Mixe de Quetzaltepec Ezequiel 2 Bible Online

Ezequiel 2 - Biblia Mixe de Quetzaltepec bible

Ezequiel 2

¹Ënätës të nmëtoy tu'uk ja ja'ay kyäjpxy etsës të xy'ënëëmë: Mijts naaxwiinyëtë ja'ay, wa'kukë, tyam nmëmëtya'aka'any.

²Koos tääpë ja'ay të xymyëkäjpxy, ënätës të xytyuktëkë ja Tios ja myëk'ajtën etsës të nwa'akë'ëky. Täätsës të nmëtoy ko ja aaw ayuk mëti'ipës ënäty xymyëëtmëtyakpën

³jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

⁴Näyjyëtu'un yë y'u'unk y'ëna'këty ka'ap kyäjpxyjyä'äkyukëtë ets kujuun oyëty. Paatykyëjxm yam mijts nkäxa'any ma yë'ëjëtyën ets xy'ënëëmëty: Jëtu'un yë Wintsën y'ënä'äny.

⁵E oy tmëpëktëty ëkë tkamëpëktëty mëti'ipës ënäty mkäjpxypën, jä'ä ko yë'ë je'eyë xëmë kyäjpxykyumëtoownaxtë, nyijawëtëp ko tää tu'uk yajpaaty yë käjpxynyajxpë ma yë'ëjëtyën.

⁶Mijts, ye'etyëjk këtii xytsyë'ëkëty ets këtii xymyëpëkëty oy wi'ix jya'ëna'antëty, oy jëtu'un mjanäjyawëtëty äpny akujk ëkë kä'py akujk yowë myajpaaty. Këtii mtsë'ëkëty oy wi'ix m'ënë'ëmxëtëty ets këtii xytsyë'ëkëty ko ëxëëkëm wyintë'kxtëty ets nëkooyë y'ëwa'an'atëty.

⁷Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

⁸Mëtoow'it yajxon wi'ix n'ënëëmën, këtii käjpxy kumëtoownajxpë mnäypyëjktä'äkyë tä yë'ëjëtyën. Awë'ëk ets xykyu''uknaxëty mëti'ipë yam nmo'ojäämpyën.

⁹Ënätës n'ijxy tu'uk yë kë'ë myëjxajy, yë'ë kyë'ëpëk'ajtyp yë noky axaatsy.

¹⁰Ënät ja kë'ë të txa'tstëy ja noky ëjts nwintuuyës. Mäjtskpa'a jyä'äyëty, yë'ë jap kuja'ay miimp: yë jë'ëyën yaxën, monyëtukyë ets ëtsu'uxyaxën.