Read Biblia Mixe de Quetzaltepec Oseas 13 Bible Online

Oseas 13 - Biblia Mixe de Quetzaltepec bible

Oseas 13

¹Ko ijty kyäjpxy yë Efraín, yë Israel ja'ayëty je'eyë wyinta'ak nyaaxkowtë; e yë Efraín jää ojts y'o'knë ma ënäty të t'ëwtatyën yë Baal.

²Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

³Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

⁴Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Tios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

⁵Ëjts ojts mijts nkëwent'aty jam të'ëts'itjotm ma nëkooyë y'aanën.

⁶E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

⁷Paatyës jëtu'un winë ntuna'any tä kaajën, mëti'ipë tu'u'aay y'ijx'ijtypyën mëti'ipë myatsäämpyën.

⁸Jëtu'un nipëtsëma'any tä Osë tnipëtsëmyën yë y'u'unk mëti'ipë të ye'eytyëkoyën, etsës ntuktsu'utsëja'any ntukwëtsëja'any yë jyot. Jämyë maas ënäty nmatsyën jämyës ntsu'utsa'any nwëtsa'any; tä tu'uk yë jëyujkën jëtu'un ntuktëjëja'any ntukwaxëja'any.

⁹Nyajkutëkoyäämpy yam mijts Israel ets ka'ap pën myäyëtëty t'akajpxtukëty.

¹⁰¿Maajën ënät tyam ja yajkutujkpë mëti'ipë myajtsokëpën ma tu'kë'ëyë mnaax mkajpn xymyëët'atyën? ¿Maa ënät ja tsiptuunpëtëjk jotmëkëtypë mëti'ipë ojts xy'amëtoyën ets yë'ë xykyutujkpë'ata'any?

¹¹Ko nmooy ja mkutujkpëtëjk, a'äkë ojts nmo'oy ets a'äkë ojts jatëkok npëjkë.

¹²Këxja'ay jam y'ity yë Efraín yë y'ëxëëktu'un y'ëxëëk kajpxën; tëë këxja'ay wyi'imy yë nyëë pyoky.

¹³Tëë ja xëëw po'o tpaaty ma ja Israel myëxu'unk'ata'anyën, tsuu mony yë jyot wyinma'any, yë'ëpaat tkatukjaty wi'ix nyäpyëjkta'akëtëtyën ets myinëty naaxwiiny.

¹⁴¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

¹⁵Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

¹⁶Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënäty u'unk mëëtëtyën nëjkxëp yë jyot y'ëwatsta'atë.