Read Biblia Mixe de Quetzaltepec Oseas 14 Bible Online

Oseas 14 - Biblia Mixe de Quetzaltepec bible

Oseas 14

¹Israel, niwinpit yë mWintsën Tios, mijts mpoky ëxëëk të myajjatyë.

²Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

³Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

⁴Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

⁵Jëtu'unës yam ëjts naxy ma Israel kajpnën tä myaanikyën ets lirië ujts myäypyëjtë. Mëti'ipë ta'tspëky yë tyiktsën tä jamën ma Líbano kopkën;

⁶tääts yë xye'enty yoonwa'kxa'any oyjätyëty tä olivë kepyën ets janty pa'ak xyuuka'any tä yë ajë kepyën mëti'ipë jamën Líbano.

⁷E nëjkxëp jatëkok yë Israel kajpn ëjts nkuwa'anyës; ets yontëty jyiitstëty tsajpmokën ets pyëjtëty tä tsatym pyijyën ets akäjpxy nëjkx y'itë tä yë tsatym nyëëjën mëti'ipë Líbano kojpën.

⁸Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

⁹Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.