Read Biblia Mixe de Quetzaltepec Oseas 3 Bible Online

Oseas 3 - Biblia Mixe de Quetzaltepec bible

Oseas 3

¹Ënät yë Wintsën jatëkok xy'ënëmaayës: Nëjkx mëët'at tu'uk yë to'oxytyëjk mëti'ipë mëët tsyëënën yë naaxwiinyëtë ja'ay oypyë mëët nyämyäyën ets mëti'ipë tyo'kpy yäjkpyën yë jyot nyini'kx. Jëtu'un yë Wintsën tsoky tjawë yë Israel ja'ayëty ko wiink tios të tpanëjkxtëkëtë.

²Ënät ojts tu'uk yë to'oxytyëjk njuyës, majkmokx yë poop pujxn meeny nmooyës ets tëkëëk mëko'px tsim yë cebadë.

³Etsës n'ënëmaay: Jeky mijts nto'oxytyëjk'ata'any; këtii mjot mnini'kx xytyookëty ets këtii pën wiink naaxwiinyëtë ja'ay xymyëët'atëty, etsës mijts nwinkutsë'ëkëty.

⁴Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

⁵Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.