Read Biblia Mixe de Quetzaltepec Malaquías 4 Bible Online

Malaquías 4 - Biblia Mixe de Quetzaltepec bible

Malaquías 4

¹Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

²E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënäty mxoonta'aktën.

³Jä'ä xëëw ma ënäty tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

⁴Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

⁵Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

⁶Yë'ë tyuktëkëjäämpy ets wä'än ja teety taak mëët ja y'u'unk y'ëna'k tkajpx'oyëtë ja tsip käjpxy. Jä'ä ko pën ka'ap nyäyaj'oyëtë minaanpës etsës ntëytyuna'anyës yë naax kajpn ets nyajkutëkoyä'änyës.