Read Biblia Mixe de Quetzaltepec 1 Corintios 4 Bible Online

1 Corintios 4 - Biblia Mixe de Quetzaltepec bible

1 Corintios 4

¹Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Tios ja wyinma'any mëti'ipë ijty kayajnija'apën.

²Pën ja tuunk të t'ëxajë, yajnikëxë'ëkëp ko maayëp ja tuunk.

³Ka'apës yë'ë nmëjpëjktä'äky pën wi'ixës miits xynyikajpx xynyimëtya'aktë ëkë pën wi'ixës ja ja'ay xytyijtë mëti'ipë yaa naaxwiiny paye'eytyëpën; nän ka'apës ëjts kë'ëm nnäpyaye'eyä'änyë;

⁴koos kë'ëm n'ëna'any ko ka'apës tii poky nmëëtëty, ka'ap yë'ëkyëjxmëty koos ka'ap tii ntuuntëkoy. Yë Wintsën yë'ëjës xypyaye'eyaanp.

⁵Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

⁶Mëku'uktëjkëty paaty ya'atë ntukmëmëtya'aktë ets miits xytyuk'oy'attëty, ko npëjktä'äkyës yë Apolo ijxtëm tu'uk ja ijxpäjtën ets ëjts näjyëtu'un. Yë'ëkyëjxm ets jëtu'un mja'ay'atëty ijxtëm ëëtsëtyën ets këtiipë nëkoo tii tëkatsy xytyuntëty, këtiipë pën tni'ikëty mëti'ipë jap këxja'ay miinpën, këtiipë tu'uk xypyukajpxëtëty ets tu'uk xy'ixtijtëty.

⁷Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Tios ka'ap të mmo'oyën? ets pën Tios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

⁸Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

⁹E ëëtsëty, Jesukristë y'ayuk kajpxwa'kxpë, jëtu'unës nja'akyukëtë koos yowë Tios ix'ok të xyajwë'ëmtë ijxtëm jeexyë ëëts ja n'o'kën të kyutujknëtën ets yajja'ayxyikpë ëëts xywyanëtë ja naaxwiinyëtë ja'ay ets ja tsajpjotmëtë kukäjpxy.

¹⁰Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

¹¹Tyampaatës ja ëyo'on n'ixtë npaatë, ja yuu tëëtsë ets ko ja wit xox kyaka'ty, ëxëëkjaty ja ja'ay xytyuntës, ka'apës tii ja njëën ntëjkëty.

¹²Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

¹³Koos tsaaty ma'at nyajmëkajpxtë, ëëtsëty oyës n'ëtsowtë. Jëtu'unës tyampaat nyaj'ixtë ijxtëm ja pu'uxmën naaxwiiny, ijxtëm ja ja'ayën mëti'ipë ka'ap tii tkëjxmëtyën.

¹⁴Ka'ap miits ya'atë yë'ëkyëjxm ntuknijayëtë ets mtsëtyuntëty, nkajpxwijtëp jëtu'un, ijxtëmës nkë'ëm u'unkën jä'ä ko ntsojktëp miitsëty.

¹⁵Oy xyjyamëët'atë majk milën ja yaj'ijxpëjkpë mëti'ipë mtuk'ijxpëjkëtëp ja Kristë ja jyä'ä, ka'ap ja mteety may xymyëët'atë, jëtu'un npëjktakmëty koos ëjts xytyeety'ajtëp jä'ä ko miits të ntuk'ëwaanëtë ja nitsokën ko ja Kristë të xymyëpëktë.

¹⁶Jëtu'un miits mëktä'äky n'ënëëmëtë ko xypyatuntëty mëti'ipës nnajtstu'unëpën.

¹⁷Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

¹⁸Jam ma miitsëtyën tam jënaakën mëti'ipë tyukxoontaktëpën ko tnijawëtë ko ka'ap nëjkx n'ëk ku'ixëjanëtë.

¹⁹Pën y'a'ijxëp ja Wintsën, jyëkyejpy tsojk ninëjkxtëty. Tääts n'ixëtyës pën janty jotmëk ya'atë ja'ayëty mëti'ipë amëj akëjxm näjya'awëtëpën, këtiipë je'eyë y'aaw tmëtë'ëtstëty.

²⁰Jä'ä ko yë Tios yë kyutujkën ka'ap je'eyë yaj'ixkäjpxy, mëk'ajtën mëët yë tyuny.

²¹¿Ëkë tii miits mtsojktëp: ko nëjkx ntsaatyuntë ëkë ko ninëjkxtëty mëët ja oy'aaw oyjyotë?