Read Biblia Mixe de Quetzaltepec Josue 3 Bible Online

Josue 3 - Biblia Mixe de Quetzaltepec bible

Josue 3

¹Komjëpom janty tsojk ojts yë Josué pyëtë'kojy mëët tëkokyë yë Israel ja'ayëty ets tsyo'ontë jam Sitim, jyajtë ma ja Jordán mëjnëëjën; jamts tyaj'o'oyëtyë ja wyitëjkëty ets jam wäänë y'ita'antë.

²Kom tëkëëk xëëw ja wintsëntëjkëty ojts tukjëtitëtë ja itjotm ma ënäty ja Israel ja'ayëty të tsyënaaytyaknpëktën.

³Ojts ja ënä'ämën tyajwë'ëmtë ma ja Israel ja'ayëtyën ets y'ënantë: Ko xy'ixtëty yë Leví ja'ayëty tmëtsoontë yë Tios yë kyaaxë, miitsëty ënätyë xypyatsoontëty.

⁴Jëtu'un'äämpy xynyijawëtëty mëti'ipë tu'u mëpaat xypyanëjkxtë, jä'ä ko ma tääpë it naaxwiinyëtën, ni pën jää kyatëkënëm. Tii tëy, ka'ap nëkoo xymyëwinkontëty yë kaaxë mëti'ipë käjpxytyu'unën myë'ijtypyën, jëkäm xypyaye'eytyëty, jä'ä xymyëjëkäm'atëty tëtujk mëko'px ja tëkë'px tëtujk xajpk ja mäjtsk kë'ënuxën.

⁵Tä yë Josué y'ënëmaayëtë: Näyajwa'atsëtë Tios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

⁶Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënät ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

⁷Tä ja Josué ojts y'ënë'ëmxëty ja Tios: Mijts ni'ikyë yam mëj'äämpy nyajnaxa'any ma Israel ja'ayëtyën. Jëtu'un tja'akyukëtëty ko yajpatpës näjyëtu'un mëët mijts tääjës mëët të nyajpaatyën yë Moisés.

⁸E mijts, tyaa xy'ënëëmëty yë teetytyëjkëty mëti'ipë kyiiytyëpën yë kaaxë, ko jam jya'tëty nëë'itkujky jam wya'ak'oyëtëty.

⁹Ënät ja Josué tmëkajpxtaay ja Israel ja'ayëty ets t'ënëmaay: Min mëtowtë wi'ix ja Wintsën y'ënä'änyën.

¹⁰Ya'atë jëtu'un yajtuk'ixëp ko yë Tios juukpyë tyaa yajpaaty mëët miitsëty, ma ënäty mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

¹¹Tyam yë'ë yam yë Tios yë kyaaxë, mëti'ipë myëët'ajtypyën yë käjpxytyu'unën ëka'any nëënaxaanp.

¹²Paaty win'ixtë yë mëku'uktëjkëty mëti'ipë mkutänëtëpën, nimajkmäjtsk xywyin'ixtëty, yë'ë nitu'ukjaty kyutänëtëp ja aptëjk.

¹³Ko yë teetytyëjkëty ëka'any kyuwa'akëtëty nëëjoty mëti'ipë ja kaaxë kyiiynyëjkxtëpën, mëti'ipë ja käjpxytyu'unën myë'ijtypyën, ënät ja nëë nyäwya'kxa'anyë mäjtskpëky: tu'kpëky anëkëjxytsyow ets tu'kpëky ëpa'tkë'ëytsyow ets kyëxë'ëka'any jëtu'un yowë ja nëë nyäwyimpijtmukyë.

¹⁴Ënät ja Israel ja'ayëty tsyo'ontaaytyë ma ja wyittëjkëtyën ets tuknajxtë ja Jordán mëjnëë, jëjp'am ye'eytyë ja teetytyëjkëty mëti'ipë ja kaaxë kyiiynyëjkxtëpën mëti'ipë ja käjpxytyu'unën myë'ijtypyën. E tim je'eyë ja teetytyëjkëty nyëëkuwa'ktë ets ja tyeky tyajxo'ktë jëtu'unyë ja nëë wyimpëtijtmujky ets ojts jamtsow kyuye'eyë anëkëjxytsyow ma Adam kajpnën mëti'ipë winkon wë'ëmpën mëët yë Seredán kajpn, tääpë kajpn napotsy ijty. E ja nëë'aaw mëti'ipë jam ja'ajtpën ma ja Tsaptsmejyën ojts tyimnëjkxy, koonëm pyëyë'ktaay. Jëtu'un'äämpy ojts ja mëjnëë nyäwyä'kxyë ets ja Israel ja'ayëty tuknajxtëy të'ëts wa'ats winkon ma Jericó kajpnën.

¹⁷Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.