Read Biblia Mixe de Quetzaltepec 2 Tesalonicenses 3 Bible Online

2 Tesalonicenses 3 - Biblia Mixe de Quetzaltepec bible

2 Tesalonicenses 3

¹Mëku'uktëjkëty, yë'ëjës ok nnikajpxäämpy etsës ja Tios xytyuknija'amyätsëtëty ets ja'ay tsojk nijawëtëty oymyaajëty ja Wintsën ja y'aaw y'ayuk ets wä'än tkupëktë mëët ja tsojkën, ijxtëm ojts miits xykyupëktën.

²Ja'amyätstë ja Tios etsës xy'akëëytyuk xy'axajtuktëty ma ja ëxëëkja'ayëtyën ets ma ja pokyjyä'äytyëjkëtyën, jä'ä ko ka'ap ni'ëmukë ja'ay myëpëktë.

³E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

⁴Jamës winma'any mpëjkta'aktë ma ja Wintsën Jesusën ko winë oy xytyuntë ets ko jëtu'un xytyuna'antë ijxtëm të ntuk'ënä'ämtën.

⁵Ja Wintsën mputëkëtëp ets xymyëët'atëty ja nitsokën ijxtëm ja Tios tsokyën ets xymyëët'atëty ja jotmëk'ajtën mëti'ipë Kristë mmooyëtëpën.

⁶Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

⁷Miitsëty mnija'awëtëp wi'ix mëpaat mjuuky'atën ets jëtu'un winë xytyuntëty ijxtëm ëëtsëtyën. Ëëtsëty ka'apës ojts je'eyë npo'kxtë npëktë koos jam nyajpatë ma miitsëtyën,

⁸ka'apës pën ja kyääky jyi'kxy të nkakujuuyëtë. Ni'ikyës të ntuntë xëëny koots këtiipë miits n'atsiptëty.

⁹Ëëtsëty njamëët'ajtës ja tëyajtën ets jeexyë n'amëtoowtë ja näypyutëkë, je'eyëp ko ojtsës ntuntë nkupëktë ets miits myajtuk'ixtëty wi'ix mtuntëtyën.

¹⁰Koos n'ijtë ma miitsëtyën, ojts ntuk'ënä'ämtë: Pën ka'ap tyuna'anyën, nän ka'ap kyäyëty.

¹¹Tëës nnijawëtë ko tam yë ja'ayëty mëti'ipë ka'ap tyajnipaatëtën ets tyuntëty, yi'iyë yajnipatëtyëp ets pyo'kxtëty pyëktëty.

¹²Jëtu'unpë ja'ayëty jëtu'unës yam n'ënä'ämtë ets ntuknipëktës ma Wintsën Jesukristë xyëëwën wä'än tuntë amëk jotmëk ets tpaatëty kyä'äyën y'ukënëty.

¹³E miits mëku'uktëjkëty, këtii xymyë''ënu'kxëtëty ma xytyuntën ja oypyë.

¹⁴Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënäty ets këtii mëët mye'eymyuk mnajxmuktëty, wä'än tsëtyu'unpaaty.

¹⁵Je'eyëp ko këtii xymyëtsiptsoontëty, ni'ikyë në'ëmo'o tu'umo'otë ijxtëm tu'uk ja mëkä'äxën.

¹⁶Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

¹⁷Ëjts Pablo, ëjts kë'ëm njääpy ya'atë kajpxpo'kxën ets miits ntuknijayëtë. Jëtu'unës nyajkojy ja noky mëti'ipës njääpyën, ijxtëm nja'ayën'atyënës.

¹⁸Wä'än ja nWintsën'ajtëm Jesukristë mkënu'kxëtë ni'ëmukë.