Read Biblia Mixe de Quetzaltepec Apocalipsis 10 Bible Online

Apocalipsis 10 - Biblia Mixe de Quetzaltepec bible

Apocalipsis 10

¹Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

²Tam tu'uk tmëëtëty ja noky apëtijtwä'kxy ets ja y'a'oytyeky ojts tuknaswa'akë mejyjoty ets y'anajnytyeky naaxwiiny.

³Ets y'ënaantäky mëk ijxtëm ja mëj kaa yä'äxyën ets ko të yä'äxy, tëë tyukpëmimë wëxtujk ok ijxtëm yë ënääwën.

⁴Tamës ënäty ntimkëjxja'ajanë wi'ix ja ënääw y'ëna'antën koos nmëtooy tu'uk ja ayuk tsajpjotm ets xynyëmaayës: Këtii xykyëxja'ay wi'ix të y'ëna'antën yë ënääw, yu'utsy mëët'at,

⁵ets xyajjë'ky a'oytsow ja tsajpjotmëtë kukäjpxy mëti'ipë ënäty tu'uk ja tyeky të tkukapën mejyjoty ets tu'uk ja tyeky naaxwiinkëjxy,

⁶ets ja Tios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

⁷Ko ënäty ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Tios ënäty yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

⁸Tääts ja ayuk ojts xymyëkajpxkojnëpës mëti'ipë ënäty të n'ëkmëtoopën tsajpjotm ets xynyëmaayës: Nëjkx xy'ëxajë ya'atë noky apëtijtwä'kxypyë mëti'ipë yë tsajpjotmëtë kukäjpxy jam kyë'ëkony'ajtypyën, mëti'ipë tënääpyën mejy wiinkëjxm ets naax wiinkëjxm.

⁹Ets ja tsajpjotmëtë kukäjpxy ojts nninëjkxyës, tääts ja noky apëtijtwä'kxypyë n'amëtooyës ets xymyo'ojëtyës, yë'ë jëtu'un xy'ëtsooyës: Tyaa ets jë'kx. Pa'ak ënät xyjyawëty m'aawjoty, ijxtëm cera pa'akën, je'eyëp ko jap mjootjoty ta'am jap y'awimipita'any.

¹⁰Ënät n'ëxajëyës ja noky apëtity mëti'ipë ja tsajpjotmëtë kukäjpxy kyoon'ijtypyën ets ojts nkujë'ënaxyës. Pa'ak jap n'aawjotyës nj'a'awëyës ijxtëm yë cera pa'akën, je'eyëp ko ojts një'kxkëtä'äkyës, ta'am jap njootjotyës y'awinpijty.

¹¹Ënät xynyëmaaytyës: Kopkpëky ko xykyajpxwa'kxëty ja Tios ja y'aaw y'ayuk, ma ja ja'ayëtyën mëti'ipë yajpatëpën naaxwiinyëtë apëtsëmy, ma mëti'ipë kyajpxtëpën kanaakpëky ja aaw ayuk ets maajaty ja ënä'ämpë kutujkpën.