Read Biblia SEPT Xénese 36 Bible Online

Xénese 36 - Biblia SEPT bible

Xénese 36

¹Esta é a historia dos descendentes de Esaú, que é Edom.

²Esaú tomou mulleres de entre as cananeas: Adah, filla de Elón o hitita; Oholibamah, filla de Anah, fillo de Sibón o hurrita;

³e Basemat, filla de Ismael e irmá de Nebaiot.

⁴Adah deulle a Esaú a Elifaz; Basemat, a Reuel;

⁵e Oholibamah, a Ieux, Ialam e Córah. Estes son os fillos que lle naceron a Esaú en Canaán.

⁶Esaú colleu as súas mulleres, os seus fillos e fillas, a xente toda da súa casa, os fatos, os gandos e todos os bens que adquirira en Canaán, e foi a outro país, por mor de Xacob seu irmán.

⁷As posesións dos dous eran tantas, que non podían vivir xuntos. A terra onde habitaban non podía sostelos, pola grandeza dos seus fatos.

⁸Esaú asentou na montaña de Seir. Esaú é Edom.

⁹Esta é a historia de Esaú, pai de Edom, na montaña de Seir.

¹⁰Estes son os nomes de seus fillos: Elifaz, fillo de Adah, muller de Esaú; Reuel, fillo de Basemat, outra muller de Esaú.

¹¹Os fillos de Elifaz foron: Temán, Omar, Sefó, Gatam e Quenaz.

¹²Elifaz, fillo de Esaú, tivo por concubina a Timná, que lle deu a Amalec. Todos estes viñan de Adah, muller de Esaú.

¹³E estes agora son os fillos de Reuel: Nahat, Zérah, Xamah e Mizah. Estes viñan de Basemat, muller de Esaú.

¹⁴Os fillos de Oholibamah, filla de Anah, fillo de Sibón, os que lle deu a Esaú foron: Ieúx, Ialam e Córah.

¹⁵Estes agora son os xefes dos descendentes de Esaú: Fillos de Elifaz, o primoxénito de Esaú, estes xefes: Temán, Omar, Sefó, Quenaz,

¹⁶Córah, Gatam e Amalec. Os ditos son os xefes, fillos de Elifaz, no país de Edom, fillos de Adah.

¹⁷Fillos de Reuel, fillo de Esaú, estes xefes: Nahat, Zérah, Xamah e Mizah. Os ditos son os xefes, fillos de Reuel, no país de Edom, os que lle deu Basemat a Esaú.

¹⁸Fillos de Oholibamah, muller de Esaú, estes xefes: Ieúx, Ialam e Córah. Os ditos son os xefes, fillos de Oholibamah, filla de Anah, muller de Esaú.

¹⁹Todos estes son os fillos de Esaú, que é Edom, e os seus xefes.

²⁰Os fillos de Seir o hurrita, que habitaban de antes no país, son: Lotán, Xobal, Sibón, Anah,

²¹Dixón, Éser e Dixán. Os ditos foron os xefes hurritas, fillos de Seir, na terra de Edom.

²²Os fillos de Lotán foron: Horí e Hemam; e a súa irmá foi Timná.

²³Os fillos de Xobal foron: Alván, Manáhat, Ebal, Xefó e Onam.

²⁴Os fillos de Sibón foron: Aiah e Anah. Este Anah é o que atopou auga no deserto, cando gardaba os asnos de seu pai Sibón.

²⁵Os fillos de Anah foron: Dixón e a filla Oholibamah.

²⁶Os fillos de Dixón foron: Hemdán, Exbán, Itrán e Querán.

²⁷Os fillos de Éser foron: Bilhán, Zaaván e Acán.

²⁸Os fillos de Dixán foron: Us e Arán.

²⁹Estes foron os xefes dos hurritas: Lotán, Xobal, Sibón, Anah,

³⁰Dixón, Éser e Dixán. Estes foron os xefes de clans no país de Seir.

³¹Agora os reis que reinaron na terra de Edom, antes que os israelitas tivesen o seu rei:

³²En Edom reinou Bela, fillo de Beor; a súa cidade chamábase Dinhabah.

³³Morto Bela, reinou Iobab, fillo de Zérah, de Bosrah.

³⁴Morto Iobab, reinou Huxam, do país dos temanitas.

³⁵Morto Husam, reinou Hadad, fillo de Bildad, que venceu a Madián nos campos de Moab; a súa cidade chamábase Avit.

³⁶Morto Hadad, reinou Samlah, de Masrecah.

³⁷Morto Samlah, reinou Xaúl, de Rebobot do Río.

³⁸Morto Xaúl, reinou Baal-Hanán, fillo de Acbor.

³⁹Morto Baal-Hanán, fillo de Acbor, reinou Hadar; a súa cidade era Pau e a súa muller chamábase Mehetabel, filla de Matred, filla de Mezahab.

⁴⁰Estes son os nomes dos xefes dos descendentes de Esaú, segundo as súas familias, os seus lugares e os seus nomes: Timná, Alvah, Ietet,

⁴¹Oholibamah, Elah, Pinón,

⁴²Quenaz, Temán, Mibsar,

⁴³Magdiel e Iram. Estes foron os xefes de Edom, segundo os seus lugares de morada, na terra da súa posesión. Este foi Esaú, pai de Edom.