Read Biblia SEPT 1 Crónicas 24 Bible Online

1 Crónicas 24 - Biblia SEPT bible

1 Crónicas 24

¹Velaquí as clases dos fillos de Aharón. Fillos de Aharón: Nadab, Abihú, Elazar e Itamar.

²Nadab e Abihú morreron antes ca seu pai e non deixaron fillos. Elazar e Itamar cumpriron a función sacerdotal.

³David con Sadoc —dos fillos de Elazar—, e con Ahimélec —dos fillos de Itamar—, distribuíunos en quendas para o servizo.

⁴Houbo entre os fillos de Elazar máis xefes ca entre os fillos de Itamar, e fíxose esta división: os fillos de Elazar tiñan dezaseis xefes de casas paternas, e os fillos de Itamar, oito.

⁵Fíxose a distribución por sorte, uns cos outros, e foron xefes do santuario de Deus tanto os fillos de Elazar coma os fillos de Itamar.

⁶Semaías, fillo de Natanael, secretario da tribo de Leví, inscribiunos diante do rei e dos príncipes, diante de Sadoc, sacerdote, e de Ahimélec, fillo de Abiatar, e dos xefes de familias de sacerdotes e levitas, e íanse sacando por sorte dúas familias de Elazar e unha de Itamar.

⁷A primeira sorte tocou a Iehoiarib; a segunda a Iedaías;

⁸A terceira, a Harim; a cuarta, a Seorim;

⁹A quinta, a Malaquías; a sexta, a Miiamín;

¹⁰A sétima, a Hacós; a oitava a Abías;

¹¹A novena, a Iexúa; a décima, a Xecanías;

¹²A undécima, a Eliaxib; a duodécima, a Iaquim;

¹³A décimo terceira, a Hupah; a décimo cuarta, a Ixbaal;

¹⁴A décimo quinta, a Bilgah; a décimo sexta, a Imer;

¹⁵A décimo sétima a Hezir; a décimo oitava, a Hapisés;

¹⁶A décimo novena, a Petahías; a vixésima, a Ezequiel;

¹⁷A vixésimo primeira, a Iaquín; a vixésimo segunda, a Gamul;

¹⁸A vixésimo terceira, a Delaías; a vixésimo cuarta, a Maazías.

¹⁹Así foron distribuídas para o seu ministerio, para que entrasen na casa do Señor ás ordes de Aharón, conforme os mandatos que lles dera Iavé, Deus de Israel.

²⁰Velaquí os xefes das outras familias dos levitas: Xubael, dos fillos de Amram, e Iehdeías, dos fillos de Xubael.

²¹Dos fillos de Rehabías, o xefe era Ixías.

²²Dos Isharitas, Xelomot; dos fillos de Xelomot, Iaxat.

²³O primoxénito dos descendentes de Hebrón foi Ierías; o segundo, Amarías; o terceiro, Iahziel; o cuarto, Iecamam.

²⁴Dos fillos de Uziel foi Miqueas; e dos fillos de Miqueas, Xamur.

²⁵Ixías era irmán de Miqueas, o xefe da familia de Ixías era Zacarías.

²⁶Os fillos de Merarí foron: Mahlí e Muxí. Tamén era fillo seu Uzías, fillo seu Beno.

²⁷Os descendentes de Merarí, por parte de Uzías foron: Xoham, Zacur e Ibrí.

²⁸Por parte de Mahlí, Elazar, que non tivo fillos, e Quix.

²⁹Quix tivo un fillo chamado Ierahmel.

³⁰Os fillos de Muxí foron: Mahlí, Éder e Ierimot. Estes son os fillos de Leví segundo as súas familias.

³¹Tamén eles, como os fillos de Aharón, foron sorteados, tanto as familias principais coma as máis pequenas, en presenza do rei David, de Sadoc, de Ahimélec e dos cabezas de familia sacerdotais e levíticos.