Read Biblia SEPT 1 Crónicas 25 Bible Online

1 Crónicas 25 - Biblia SEPT bible

1 Crónicas 25

¹David e os fillos do exército separaron ós que de entre os fillos de Asaf, de Hemán e de Iedutún tiñan que facer o oficio de profetas, con cítaras, arpas e címbalos. Esta é a relación dos homes encargados destes servizos.

²Dos fillos de Asaf: Zacur, Xosé, Netanías e Asarélah, baixo a dirección de Asaf, que pola súa banda profetizaba baixo a dirección do rei.

³De Iedutún: os seus fillos: Guedalías, Serí, Isaías, Ximí, Haxabías, Matitías, seis, baixo a dirección de seu pai, Iedutún, que profetizaba coa cítara para louvar e glorificar a Iavé.

⁴De Hemán: seus fillos, Buquías, Matitías, Uziel, Xebuel, Ierimot, Ananías, Hananí, Eliatah, Guidalti, Romantiézer, Ioxbecásah, Maloti, Hotir e Mahaziot.

⁵Todos estes eran fillos de Hemán, vidente do rei, nas cousas de Deus, para exaltar o seu poder. Deus dera a Hemán catorce fillos e tres fillas.

⁶Todos estes foron postos baixo a dirección dos seus pais para cantaren no templo de Iavé, tocando os címbalos, as arpas e os salterios. Cumprindo os ministerios da casa de Iavé, seguindo as instrucións do rei, de Asaf, Iedutún e Hemán.

⁷O seu número, contando os seus irmáns, os que estaban instruídos no canto de Iavé —todos eles entendidos—, eran douscentos oitenta o oito.

⁸Foron sorteados en cada clase sen acepción de persoas, mozos e vellos, mestres e discípulos.

⁹O primeiro por sorte foi Xosé, da casa de Asaf; e o segundo, Guedalías, por el e polos seus fillos e irmáns, en número de doce;

¹⁰o terceiro, Zacur e os seus fillos e irmáns, en número de doce;

¹¹o cuarto, Isrí, cos seus fillos e irmáns en número de doce;

¹²o quinto Netanías, cos seus fillos e irmáns en número de doce;

¹³o sexto, Buquías, cos seus fillos e irmáns, en número de doce;

¹⁴o sétimo, Asarélah, cos seus fillos e irmáns en número de doce;

¹⁵o oitavo, Isaías, cos seus fillos e irmáns, en número de doce;

¹⁶o noveno, Matanías, cos seus fillos e irmáns en número de doce;

¹⁷o décimo, Ximí, cos seus fillos e irmáns en número de doce;

¹⁸o undécimo, Azarel, cos seus fillos e irmáns en número de doce;

¹⁹o duodécimo, Axabías, cos seus fillos e irmáns en número de doce;

²⁰o décimo terceiro Xubael, cos seus fillos e seus irmáns, en número de doce.

²¹o décimo cuarto, Matitías, cos seus fillos e seus irmáns en número de doce;

²²o décimo quinto, Ierimot, cos seus fillos e irmáns en número de doce;

²³o décimo sexto, Ananías, cos seus fillos e irmáns en número de doce;

²⁴o décimo sétimo, Ioxbecásah, cos seus fillos e irmáns en número de doce;

²⁵o décimo oitavo, Hananí, cos seus fillos e irmáns en número de doce;

²⁶o décimo noveno, Maloti, cos seus fillos e irmáns en número de doce;

²⁷o vixésimo, Eliátah, cos seus fillos e irmáns en número de doce;

²⁸o vixésimo primeiro, Hotir, cos seus fillos e irmáns en número de doce;

²⁹o vixésimo segundo, Guidalti, cos seus fillos e irmáns en número de doce;

³⁰o vixésimo terceiro, Mahziot, cos seus fillos e irmáns en número de doce;

³¹o vixésimo cuarto, Romantiézer, cos seus fillos e irmáns en número de doce.