Read Biblia SEPT 1 Crónicas 27 Bible Online

1 Crónicas 27 - Biblia SEPT bible

1 Crónicas 27

¹Os fillos de Israel, segundo o seu número: as cabezas de familia, os xefes e oficiais e os seus inspectores que estaban ó servizo do rei en todo o que atinxía ás divisións que entraban e saían de servizo cada mes, todos os meses do ano, compuñan por cada división vinte e catro mil homes.

²O mando da primeira división, a do primeiro mes, estaba Iaxobam, fillo de Zabdiel, con vinte e catro mil homes.

³Era dos fillos de Peres, e mandaba a todos os xefes da tropa do primeiro mes.

⁴O mando da división do segundo mes estaba Elazar, fillo de Dodai, ahohita, que tiña baixo el a Miclot, que mandaba unha parte desta tropa, que era de vinte e catro mil homes.

⁵O xefe da terceira división, a do terceiro mes, era Benaías, fillo de Iehoiadá, sacerdote. Tamén tiña ó seu mando vinte e catro mil homes.

⁶Benaías era o máis valente dos trinta e superábaos a todos. Seu fillo, Amizabah, era un dos xefes da súa división.

⁷O cuarto xefe, para as tropas do cuarto mes, era Asahel, irmán de Ioab; e Zebadías, seu fillo, despois del. O número da súa tropa era de vinte e catro mil.

⁸O quinto xefe, para o mes quinto, era Xamot, o zerahita, e a súa tropa era de vinte e catro mil.

⁹O sexto, para o sexto mes, era Irá, fillo de Iquex, de Tecoa, e tiña na súa tropa vinte e catro mil.

¹⁰O sétimo, para o sétimo mes, era Heles, de Pelón, da tribo de Efraím. A súa tropa era de vinte e catro mil homes.

¹¹O oitavo, para o oitavo mes, era Sibcai, de Huxat, da liñaxe de Zarhí, que tiña baixo el vinte e catro mil homes.

¹²O noveno, para o noveno mes, era Abiézer, de Anatot, dos fillos de Benxamín, que mandaba vinte e catro mil homes.

¹³O décimo, para o décimo mes, era Mahrai, de Netofah, descendente de Zarhí. Tiña baixo si vinte e catro mil homes.

¹⁴O undécimo, para o undécimo mes, era Benaías de Piratón, descendente de Efraím, con vinte e catro mil homes.

¹⁵O duodécimo, para o duodécimo mes, era Heldai, de Netofah, descendente de Otoniel, e a súa sección era de vinte e catro mil homes.

¹⁶Estes eran os xefes das doce tribos de Israel: na de Rubén, Eliézer, fillo de Zicrí; na de Simeón, Xefatías, fillo de Mascah,

¹⁷na de Leví, Haxabías, fillo de Quemuel; na de Aharón, Sadoc;

¹⁸na de Xudá Eliab, irmán de David; na de Isacar, Omrí, fillo de Micael;

¹⁹na de Zebulón, Ixmaías, fillo de Abdías; na de Naftalí, Ierimot, fillo de Azriel;

²⁰na de Efraím, Oseas, fillo de Azarías;

²¹na media tribo de Menaxés, Ioel, fillo de Pedaías; na outra media tribo de Menaxés, en Galaad, Idó, fillo de Zacarías; na de Benxamín, Iasiel, fillo de Abner;

²²na de Dan, Azarel, fillo de Ieroham. Estes eran os xefes das doce tribos de Israel.

²³David non quixo contar os que estaban por debaixo dos vinte anos, porque Iavé lle dixera que multiplicaría a Israel coma as estrelas do ceo.

²⁴Ioab, fillo de Seruiah comezara a facer o censo, pero non o acabou porque isto trouxo a ira de Iavé sobre Israel, e por iso o número dos que foran contados non está escrito nas crónicas de David.

²⁵Azmáret, fillo de Adieh, tiña ó seu cargo o tesouro do rei; Ionatán, fillo de Uzías, os almacéns do campo, das cidades, e das torres.

²⁶Ezrí, fillo de Quelub, gobernaba os obreiros do campo, que labraban as terras,

²⁷Ximí, de Ramah, estaba á fronte das viñas; Zabdí de Xefam, das adegas;

²⁸Baalhanán de Guéder das provisións de aceite e dos figueiredos da Xefelah. Ioax, dos depósitos de aceite;

²⁹Xitrai, de Xarón, do gando vacún que pacía en Xarón; Xafat, fillo de Adlai, do gando vacún que pacía nos vales.

³⁰Obil, ismaelita, estaba encargado dos camelos e Iehdías de Meronoh dos asnos;

³¹Iaziz, ahguerita, das ovellas. Todos estes eran intendentes da facenda de David.

³²Ionatán, tío de David, home de sentido e de saber, era conselleiro. El e Iehiel, fillo de Iacmoní, era mordomo dos fillos do rei.

³³Ahitófel era conselleiro do rei; Huxai, arquita, era amigo do rei.

³⁴Ademáis de Ahitófel, eran conselleiros Iehoiadá, fillo de Benaías, e Abiatar. Ioab era o xefe supremo do exército do rei.