Read Biblia SEPT 1 Crónicas 4 Bible Online

1 Crónicas 4 - Biblia SEPT bible

1 Crónicas 4

¹Fillos de Xudá: Peres, Hesrón, Carmí, Hur e Xobal.

²Reaías, fillo de Xobal, xerou a Iahat; Iahat xerou a Ahumai e a Láhad. Estas foron as familias dos sorahitas.

³Velaquí os descendentes de Etam: Iezrael, Ixmá e Idbax. O nome de súa irmá era Haslefoní;

⁴Penuel, que fundou Guedor e Ézer, que fundou Huxah. Estes son os fillos de Hur: Efratah, o primoxénito, que fundou Belén;

⁵Axhur,que fundou Tecoa e tivo dúas mulleres: Helah e Narah.

⁶Narah pariulle a Ahuzam, Héfer, Temní e Ahaxtarí. Estes foron os fillos de Narah.

⁷Fillos de Helah: Séret, Iosohar e Etnán.

⁸Cos xerou a Anub e a Sobebah e ás familias de Aharhel, fillo de Harum.

⁹Iabés foi o máis ilustre dos irmáns. Súa nai deulle o nome de Iabés dicindo: —"Por—que o parín con dor".

¹⁰Iabés invocou ó Deus de Israel dicindo: —"Bendime, estende o meu territorio e que a túa man sexa comigo. Gárdame de todo mal, de xeito que eu non padeza...". E Deus deulle o que lle pedía.

¹¹Quelub, irmán de Xuhah, xerou a Mehir, que foi pai de Extón.

¹²Extón xerou a Bet—Rafá, a Paséah e a Tehinah, fundador de Nahax. Estes foron os homes de Recah.

¹³Fillos de Quenaz: Otoniel e Seraías. Fillos de Otoniel: Hatat e Meonotai.

¹⁴Meonatai xerou a Ofrah, e Seraías xerou a Xoab, fundador de Gue—Haraxim, pois eran artesáns.

¹⁵Fillos de Caleb, o fillo de Iefuneh: Iru, Elah, Náam; e o fillo de Elá: Quenaz.

¹⁶Fillos de Iehalelel: Zif, Zifah, Tiriá e Asarel.

¹⁷Fillos de Esdras: Iéter, Méred, Éfer e Ialón. Iéter xerou a Miriam, Xamai e Ixbah, fundador de Extemoa.

¹⁸A súa muller, xudía ela, pariu a Iéred, fundador de Guedor; a Héber, fundador de Socó; e a Iecutiel, fundador de Zanóah. Estes son os fillos de Bitiah, filla de Faraón, que Méred tomou por muller.

¹⁹Os fillos da muller de Odías, irmá de Náham, foron: o pai de Queilah, o garmita e Extemoa, o macateo.

²⁰Fillos de Ximón: Ammón, Rinah, Ben—Hanán e Tilón. Fillos de Ixí: Zohet e Ben—Zohet.

²¹Fillos de Xelah, fillo de Xudá: Er, fundador de Lecah; Ladah, fundador de Marexah e as familias da casa onde se traballa o liño, en Bet—Axbea;

²²Ioquim e os homes de Cozebá; Ioax e Saraf, que dominaron en Moab, antes de volver a Belén. (Estas son cousas antigas).

²³Estes eran oleiros e habitaban en Netaím e Guederá, cerca do rei, e traballaban para el.

²⁴Fillos de Simeón: Nemuel, Iamín, Iarib, Zérah e Xaúl. Fillos de Xaúl:

²⁵Xalum, Mibsam, seu fillo, e Mixmá, fillo deste.

²⁶Fillos de Mixmá: Hamuel, seu fillo, do que naceu Zacur, que tivo a Ximí.

²⁷Ximí tivo dezaseis fillos e seis fillas. Seus irmáns non tiveron tantos fillos, e as súas familias non se multiplicaron tanto coma as dos fillos de Xudá.

²⁸Habitaban en Beerxeba, Moladah, e Hasar—Xual,

²⁹en Bilhah, en Ésem, en Tolad,

³⁰en Betuel, en Hormah, en Siquelag,

³¹en Bet—Marcabot, en Hasar—Susim, Bet—Birí e en Xaraim. Estas foron as súas cidades ata o reino de David;

³²e as súas aldeas eran Etam, Aim, Rimón, Toquen e Axán: cinco aldeas en total

³³e todas as vilas no arredor destas cidades ata Baal. Estas son as súas moradas e as súas xenealoxías.

³⁴Mesobat, Iamlec, Ioxah, fillo de Amasías;

³⁵Ioel, Iehú, fillo de Ioxibías, fillo de Seraías, fillo de Asiel.

³⁶Elioenai, Iacobah, Iexohaías, Asaías, Adiel, Iesimiel, Benaías,

³⁷Zizá, fillo de Xifí, fillo de Alón, fillo de Iedaías, fillo de Ximrí, fillo de Xemaías.

³⁸Estes, polos seus nomes eran príncipes nas súas familias, e as súas casas paternas fixéronse grandes.

³⁹Foron da parte de Guedor ata o Oriente do val, procurando pasto para o seu gando.

⁴⁰Atoparon herba, bo pasto e unha rexión abondosa, tranquila e apracible. Os que antes habitaran esa rexión descendían de Cam.

⁴¹Estes, descritos polos seus nomes, viñeron en tempos de Ezequías, rei de Xudá, atacaron as súas tendas e os mineos que atoparon alí destruíronos ata hoxe, habitando no sitio deles, por haber alí pasto para o seu gando.

⁴²Tamén cincocentos dos deles —dos fillos de Simeón—, foron ó monte de Seir levando por xefes a Pelatías, Nearías, Refaías e Uziel, fillos de Ixí;

⁴³e derrotaron ó resto que quedara de Amalec, e habitaron alí ata hoxe.