Read Biblia SEPT 1 Crónicas 5 Bible Online

1 Crónicas 5 - Biblia SEPT bible

1 Crónicas 5

¹Fillos de Rubén, primoxénito de Israel. Era o primoxénito, pero por manchar o leito de seu pai, o dereito de primoxenitura foilles dado ós fillos de Xosé, fillo de Israel, e non foi rexistrado como primoxénito.

²Xudá foi abofé poderoso entre seus irmáns e o príncipe deles, pero o dereito de primoxenitura foi de Xosé.

³Fillos de Rubén, primoxénito de Israel: Henoc, Falú, Hesrón e Carmí.

⁴Fillos de Ioel: Xemaías, seu fillo; Gog, seu fillo; Ximí, seu fillo;

⁵Miqueas, seu fillo; Reaías, seu fillo; Báal, seu fillo,

⁶e Beerah, fillo seu, levado a Asiria por Teglat Peléser, rei de Asiria. Era príncipe dos rubenitas.

⁷Seus irmáns, segundo as súas familias, tal como foron rexistrados nas xenealoxías, foron: o primeiro, Ieiel, Zacarías,

⁸Bela, fillo de Azaz, fillo de Xemá, fillo de Ioel, que habitou en Aroer ata Nebó e Baal—Meón,

⁹e ó Oriente, ata a entrada do deserto, desde o río Éufrates, pois tiña moito gando na terra de Galaad.

¹⁰En tempos de Xaúl fixéronlles a guerra ós agarenos, que caeron no seu poder, e habitaron nas súas tendas en todo o Oriente de Galaad.

¹¹Enfronte deles habitaban os fillos de Gad, na terra de Baxán ata Salcah.

¹²Ioel foi o primeiro; Xafam, o segundo; logo Ianai e Xafat, no Baxán.

¹³Seus irmáns, segundo as casas de seus pais, eran: Micael, Mexulam, Xeba, Iorai, Iacán, Zía e Héber, que fan sete.

¹⁴Velaquí os fillos de Abihail, fillo de Hurí, fillo de Iaróah, fillo de Galaad, fillo de Micael, fillo de Iexixai, fillo de Iahdó, fillo de Buz;

¹⁵Ahí, fillo de Abdiel, fillo de Guní, era o xefe das casas de seus pais.

¹⁶Habitaban en Galaad, no Baxán, nas cidades da súa dependencia, e nos eidos de Xarón ata os seus límites.

¹⁷Foron rexistrados todos nas xenealoxías en tempos de Iotam, rei de Xudá e de Ieroboam, rei de Israel.

¹⁸Os fillos de Rubén, os de Gad e de media tribo de Menaxés, en número de corenta e catro mil setecentos sesenta, eran bos para a guerra: valorosos, levaban escudo e espada, tensaban o arco e eran entendidos na arte da guerra.

¹⁹Fixéronlles a guerra ós agarenos, ós itureos, a Nafix e a Nodab.

²⁰Foron axudados contra eles, e os agarenos e cantos estaban con eles caeron nas súas poutas, pois durante a loita chamaron a Deus que os escoitou, por confiaren nel.

²¹Colleron o seu gando: cincuenta mil camelos, duascentas cincuenta mil ovellas, dous mil asnos, e levaron presas a cen mil persoas,

²²e houbo moitos mortos, pois o combate viña de Deus. Establecéronse no seu lugar ata o tempo en que foron levados á catividade.

²³Media tribo de Menaxés habitaba a rexión desde o Baxán ata Baal—Hermón, Senir e a montaña de Hermón. Eran numerosos.

²⁴Velaquí os xefes das casas de seus pais: Éfer, Ixí, Eliel, Azriel, Xeremías, Hodavías, Iahdiel, homes valerosos, xente de fama, xefes das casas de seus pais.

²⁵Pero pecaron contra o Deus de seus pais e prostituíronse tralos deuses das xentes da terra que Deus destruíra diante deles.

²⁶Entón o Deus de Israel encirrou contra eles o espírito de Pul, rei de Asiria (é dicir, o espírito de Teglat Peléser, rei de Asiria), quen levou presos os rubenitas, gaditas e a media tribo de Menaxés, conducíndoos a Halah, Habor, Hará e ó río Gozán, onde habitaron ata hoxe.

²⁷Fillos de Leví: Guerxom, Quehat, Merarí.

²⁸Fillos de Quehat: Amram, Ishar, Hebrón e Uziel.

²⁹Fillos de Amram: Aharón, Moisés e María. Fillos de Aharón: Nadab, Abihú, Elazar e Itamar.

³⁰Elazar xerou a Pinhás; Pinhás xerou a Abixúa;

³¹Abixúa xerou a Buquí; Buquí xerou a Uzí;

³²Uzí xerou a Zerahías; Zerahías xerou a Meraiot;

³³Meraiot xerou a Amarías; Amarías xerou a Ahitub;

³⁴Ahitub xerou a Sadoc; Sadoc xerou a Ahimaas;

³⁵Ahimaas xerou a Azarías; Azarías xerou a Iohanán;

³⁶Iohanán xerou a Azarías, que exerceu o sacerdocio no templo que Salomón edificou en Xerusalén;

³⁷Azarías xerou a Amarías; Amarías xerou a Ahitub;

³⁸Ahitub xerou a Sadoc; Sadoc xerou a Xalum;

³⁹Xalum xerou a Hilquías; Hilquías xerou a Azarías;

⁴⁰Azarías xerou a Seraías; Seraías xerou a Iosadac;

⁴¹Iosadac foi á catividade cando o Señor desterrou a Xudá e a Xerusalén por medio de Nabucodonosor.