Read Biblia SEPT 1 Crónicas 6 Bible Online

1 Crónicas 6 - Biblia SEPT bible

1 Crónicas 6

¹Fillos de Leví: Guerxom, Quehat e Merarí.

²Fillos de Guerxom: Libní e Ximí.

³Fillos de Quehat: Amram, Ishar, Hebrón e Uziel.

⁴Fillos de Merarí: Mahlí e Muxí. Estas son as familias de Leví.

⁵Descendentes de Guerxom: Libní, Iáhat, Zimah;

⁶Ioah, Idó, Zérah e Ieatrai.

⁷Descendentes de Quehat: Aminadab, Córah, Asir,

⁸Elcanah, Abiasaf, Asir,

⁹Táhat, Uriel, Uzías e Xaúl.

¹⁰Fillos de Elcanah: Amasai e Ahimot,

¹¹pai de Elcanah, pai de Sofai, pai de Náhat,

¹²pai de Eliab, pai de Ieroham, pai de Elcanah.

¹³Fillos de Samuel: Ioel, o primoxénito, e Abías, o segundo.

¹⁴Fillos de Merarí: Mahlí, Libní, Ximí, Uzá,

¹⁵Ximá, Haguías e Asaías.

¹⁶Mestres do coro, nomeados por David para o servizo do canto no templo de Iavé, cando a arca tivo alí o seu lugar de acougo.

¹⁷O seu oficio consistía en cantar diante do tabernáculo, na Tenda do Encontro, ata que Salomón edificou o templo de Iavé en Xerusalén. Máis tarde realizaron nel as súas funcións coma de costume.

¹⁸Velaquí os que oficiaban, con seus fillos: dos fillos de Quehat: Hemán, como cantor, fillo de Ioel, fillo de Samuel,

¹⁹fillo de Elcanah, fillo de Ieroham, fillo de Eliel, fillo de Toah,

²⁰fillo de Suf, fillo de Elcanah, fillo Amasai,

²¹fillo de Elcanah, fillo de Ioel, fillo de Azarías, fillo de Sofonías,

²²fillo de Táhat, fillo de Asir, fillo de Abiasaf, fillo de Córah,

²³fillo de Ishar, fillo de Quehat, fillo de Leví, fillo de Israel.

²⁴Seu irmán Asaf estaba á súa dereita; Asaf, fillo de Berequías, fillo de Ximá,

²⁵fillo de Micael, fillo de Baseías, fillo de Malaquías,

²⁶fillo de Etní, fillo de Zérah, fillo de Adaías,

²⁷fillo de Etán, fillo de Zimah, fillo de Ximí,

²⁸fillo de Iáhat, fillo de Guerxom, fillo de Leví.

²⁹A súa esquerda estaban seus irmáns, os fillos de Merarí: Etán, fillo de Quixí, fillo de Abdí, fillo de Maluc,

³⁰fillo de Haxabías, fillo de Amasías, fillo de Hilquías,

³¹fillo de Amasí, fillo de Baní, fillo de Xémer,

³²fillo de Mahlí, fillo de Muxí, fillo de Merarí, fillo de Leví.

³³Seus irmáns, os levitas, tiñan ó seu cargo todo o servizo do tabernáculo do templo.

³⁴Aharón e seus fillos eran os que ofrecían os sacrificios no altar dos holocaustos e queimaban incenso no altar dos perfumes, cumprindo estes servizos no Santo dos Santos e facendo a expiación por Israel conforme todo o que mandara Moisés, servo de Iavé.

³⁵Velaquí os fillos de Aharón: Elazar, Pinhás, Abixúa,

³⁶Buquí, Uzí, Zerahías,

³⁷Meraiot, Amarías, Ahitub,

³⁸Sadoc, Ahimaas.

³⁹Estas son as súas residencias segundo os límites dos seus campamentos. Os fillos de Aharón, da familia de Quehat, sinalados pola sorte,

⁴⁰déuselles Hebrón, na terra de Xudá, cos eixidos dos arredores;

⁴¹pero o territorio da cidade e as súas aldeas foron dados a Caleb, fillo de Iefuneh.

⁴²Déronlles, pois, ós fillos de Aharón a cidade de Hebrón como cidade refuxio, Libnah cos seus contornos, Iatir e Extemóah, tamén cos seus contornos;

⁴³Hilez cos seus eidos e Debir cos seus eidos;

⁴⁴Axán cos seus eidos, Bet—Xémex cos seus eidos;

⁴⁵da tribo de Benxamín déronlles: Gueba cos seus eidos; Alémet cos seus eidos e Anatot cos seus eidos. As súas cidades foron trece en total, segundo as súas familias.

⁴⁶Os outros fillos de Quehat tocáronlles en sorte dez cidades da tribo de Efraím, da tribo de Dan e da media tribo de Menaxés.

⁴⁷Os fillos de Guerxom, segundo as súas familias, tiveron trece cidades da tribo de Isacar, da tribo de Axer, da tribo de Naftalí e da tribo de Menaxés en Baxán.

⁴⁸Os fillos de Merarí, segundo as súas familias, tiveron por sorte doce cidades da tribo de Rubén, da tribo de Gad e da tribo de Zebulón.

⁴⁹Os fillos de Israel déronlles ós levitas estas cidades cos seus contornos.

⁵⁰Déronllelas ás sortes, da tribo de Xudá, da tribo de Simeón e da tribo dos fillos de Benxamín, ás que lles puxeron os seus propios nomes.

⁵¹As familias de Quehat tocáronlles en sorte cidades na tribo de Efraím.

⁵²Déronlles, con dereito de asilo, as cidades de Xequem, no monte de Efraím e os seus contornos; a de Guézer cos seus contornos;

⁵³A de Iocmeam cos seus contornos; a de Bethorón, cos seus contornos;

⁵⁴A de Aialón cos seus contornos; e a de Gat—Rimón cos seus contornos.

⁵⁵Na media tribo de Menaxés, Aner, cos seus contornos; e Bilam, cos seus contornos, foron para aqueles que quedaban das familias de Quehat.

⁵⁶As familias de Guerxom tocáronlles en sorte: da media tribo de Menaxés, Golán de Baxán, cos seus contornos; e Axtarot cos seus contornos.

⁵⁷Da tribo de Isacar, Axperón cos seus contornos; Daberat cos seus contornos;

⁵⁸Ramot cos seus contornos; e Anem cos seus contornos.

⁵⁹Da tribo de Axer, Maxal, cos seus contornos; Abdón cos seus contornos;

⁶⁰Hucoq cos seus contornos; e Rehob cos seus contornos.

⁶¹Da tribo de Naftalí, Cadex de Galilea cos seus contornos; Hamón cos seus contornos; e Quiriataim cos seus contornos.

⁶²Para os restantes fillos de Merarí, déronlles: da tribo de Zebulón, Rimón cos seus contornos; e Tabor cos seus contornos.

⁶³Na outra parte do Xordán, de fronte a Iericó, ó leste do río Xordán, da tribo de Rubén déronlles: Béser no deserto cos seus contornos; Iahsah cos seus contornos;

⁶⁴Quedemot cos seus contornos; e Mefáat cos seus contornos.

⁶⁵Da tribo de Gad: Ramot en Galaad cos seus contornos; Mahamaim cos seus contornos;

⁶⁶Hexbón cos seus contornos; e Iazer cos seus contornos.