Read Biblia SEPT 1 Crónicas 7 Bible Online

1 Crónicas 7 - Biblia SEPT bible

1 Crónicas 7

¹Fillos de Isacar: Tolá, Fúah, Iaxub e Ximrón: catro en total.

²Fillos de Tolá: Uzí, Refaías, Ieriel, Iahmai, Ibsam e Samuel, xefes das familias de Tolá, homes todos capacitados para o exercicio das armas. O seu número no tempo de David era de vinte e dous mil seiscentos.

³Fillo de Uzí: Izrahías; fillos de Izrahías: Micael, Abdías, Ioel, Ixías: en total cinco xefes.

⁴Tiñan, segundo as súas xenealoxías polas casas paternas, trinta e seis mil homes armados para a loita, pois eran moitas as mulleres e fillos.

⁵Seus irmáns de todas as familias de Isacar, homes guerreiros, facían un total de oitenta e sete mil; todos estaban rexistrados nas xenealoxías.

⁶Fillos de Benxamín: Bela, Béquer e Iediael: tres en total.

⁷Fillos de Bela: Esbón, Uzí, Uziel, Ierimot e Irí: cinco en total. Eran xefes das familias de seus pais e homes guerreiros; tamén estes estaban rexistrados nas xenealoxías en número de vinte e dous mil trinta e catro.

⁸Fillos de Béquer: Zemirah, Ioax, Eliézer, Elioenai, Omrí, Ierimot, Abías, Anatot e Alémet, todos eles fillos de Béquer,

⁹rexistrados nas xenealoxías, segundo as súas xeracións, coma xefes das familias de seus pais, e homes guerreiros en número de vinte mil douscentos.

¹⁰Fillo de Iediael: Bilhán. Fillos de Bilhán: Iehux, Benxamín, Ehud, Quenanah, Zetán, Tárxix e Ahixáhar,

¹¹todos eles fillos de Iediael; como xefes das familias de seus pais e homes guerreiros estaban rexistrados en número de dezasete mil douscentos, preparados para tomaren armas e marchar á guerra.

¹²Os xufitas e os hupitas eran fillos de Ir; e os huxitas, fillos de Aher.

¹³Fillos de Naftalí: Iahsiel, Guní, Iéser e Xalum, fillos de Bilhah.

¹⁴Fillos de Menaxés: Asriel e Maquir, pai de Galaad. Os dous eran fillos dunha concubina aramea.

¹⁵Maquir tomou muller dos xufitas e hupitas. Súa irmá chamábase Macah. O nome do segundo fillo era Selofhad. Selofhad tivo fillas.

¹⁶Macah, muller de Maquir, pariu un fillo e chamoulle Pérex; seu irmán chamouse Xárex, e foron seus fillos Ulam e Ráquem.

¹⁷Fillo de Ulam: Bedán. Estes son os fillos de Galaad, fillo de Maquir, fillo de Menaxés.

¹⁸Súa irmá Hamoléquet pariu a Ixhod, Abiézer e a Mahlah.

¹⁹Fillos de Xemidá: Ahián, Xequem, Lichí e Aniam.

²⁰Fillos de Efraím: Xutélah, pai de Béred, pai de Táhat;

²¹pai de Zabad, pai de Xutélah, pai de Ézer e Elad. Os homes de Gat, oriúndos do territorio, matáronos cando baixaban para recoller o seu gando.

²²Efraím, seu pai, fixo moito tempo dó por eles, e os seus irmáns viñeron consolalo.

²³Despois foi onda súa muller, que concebiu e pariu un fillo; chamábase Beriah, pola desgraza na que se atopaba a súa familia.

²⁴Tivo por fillo a Xerah, que edificou Bethorón Alto e Baixo, e Uzén Xerah;

²⁵a Réfah, pai de Xutélah, pai de Táhan;

²⁶pai de Ladán, pai de Amihud, pai de Elixamá;

²⁷pai de Nun, pai de Xosué.

²⁸Tiñan habenza e morada en Betel e nas cidades da súa dependencia; ó oriente, Narán; ó occidente, en Guézer e nas cidades da súa dependencia; en Xequem e nas cidades da súa dependencia, ata Aiah e as cidades da súa dependencia.

²⁹Os fillos de Menaxés posuían Bet—Xeán e as cidades da súa dependencia, Zanac a as cidades da súa dependencia, Dor e as cidades da súa dependencia. Nestas cidades habitaron os fillos de Xosé, fillo de Israel.

³⁰Fillos de Axer: Imná, Ixvah, Ixví, Beriah e Sénah, súa irmá.

³¹Fillos de Beriah: Héber e Malquiel. Malquiel era pai de Birzáit.

³²Héber xerou a Iaflet, Xomer, Hotam e Xuá, irmá destes.

³³Fillos de Iaflet: Pasac, Bimhal e Axvat. Estes son os fillos de Iaflet.

³⁴Fillos de Xomer: Ahí Rohgah, Iahbá e Aram.

³⁵Fillos de Hélem, seu irmán: Sofah, Imná, Xélex e Amal.

³⁶Fillos de Sofah: Súah, Harnéfer, Xual, Berí e Imrah;

³⁷Béser, Hod, Xamá, Xilxah, Itrán e Beerá.

³⁸Fillos de Iéter: Iefuneh, Pispah e Ará.

³⁹Fillos de Ulá: Arah, Haniel e Risías.

⁴⁰Todos estes fillos de Axer eran xefes das casas de seus pais, homes selectos e guerreiros; xefes de príncipes. Estaban rexistrados nas xenealoxías en número de vinte e seis mil, preparados para a loita.