Read Biblia SEPT 2 Crónicas 27 Bible Online

2 Crónicas 27 - Biblia SEPT bible

2 Crónicas 27

¹Cando subiu ó trono, Iotam tiña vinte e cinco anos, e reinou en Xerusalén dezaseis anos. Súa nai chamábase Ieruxah, filla de Sadoc.

²Fixo o que o Señor aproba, igual ca seu pai Ozías. Pero non ía ó templo, e o pobo seguía corrompéndose.

³Construíu a Porta Superior do templo e fixo moitas obras na muralla de Ofel.

⁴Construíu cidades na serra de Xudá e levantou fortalezas e torres nos matos.

⁵Loitou contra o rei dos amonitas e venceuno. Os amonitas pagáronlle aquel ano cen pesos de prata, dez mil toneis de trigo e dez mil de cebada; e igual cantidade os dous anos seguintes.

⁶Iotam fíxose poderoso porque procedeu rectamente ante o Señor, o seu Deus.

⁷Para máis datos sobre Iotam, as súas guerras e empresas, véxase o libro dos Reis de Israel e Xudá.

⁸Subiu ó trono á idade de vinte e cinco anos e reinou en Xerusalén dezaseis anos.

⁹Cando morreu enterrárono na Cidade de David. O seu fillo Ahaz sucedeulle no trono.