Read Biblia SEPT 2 Crónicas 8 Bible Online

2 Crónicas 8 - Biblia SEPT bible

2 Crónicas 8

¹Salomón construíu o templo do Señor e o palacio durante vinte anos.

²Fortificou as cidades que lle dera Hiram e instalou nelas ós israelitas.

³Logo Salomón dirixiuse contra Hamat de Sobah e apoderouse dela.

⁴Fortificou Tamor, no deserto, e todas as cidades de avituallamento que construíra en Hamat.

⁵Converteu Bethorón de Arriba e Bethorón de Abaixo en prazas fortes, con murallas, portas e ferrollos.

⁶O mesmo fixo con Balat, cos centros de avituallamento que tiña Salomón, as cidades con cuarteis de carros e cabalería, e canto quixo construír en Xerusalén, no Líbano e en todas as terras do seu imperio.

⁷Salomón fixo unha leva de traballadores non israelitas entre os descendentes que quedaban aínda dos hititas, amorreos, perizitas, hivitas e iebuseos,

⁸pobos que os israelitas non exterminaran.

⁹Os israelitas non lles impuxo traballos forzados, senón que o servían coma soldados, funcionarios, xefes e oficiais de carros e cabalería.

¹⁰Os xefes e capataces que mandaban nos obreiros eran douscentos cincuenta.

¹¹A filla do faraón trasladouna da Cidade de David ó palacio que construíra, porque pensaba: —"O palacio de David, rei de Israel, quedou consagrado pola presenza da arca do Señor; a miña muller non pode vivir nel".

¹²Salomón ofrecía holocaustos ó Señor sobre o altar de Iavé, que construíra diante do adro.

¹³Observaba o rito cotián dos holocaustos e as prescricións de Moisés referentes ós sábados, principios de mes e ás tres solemnidades anuais: a festa dos Azimos, a das Semanas e a das Tendas.

¹⁴Seguindo as prescricións do seu pai David, asignou ás clases sacerdotais os seus servizos; ós levitas, as súas funcións de cantar e oficiar na presenza dos sacerdotes, segundo o rito de cada día; e ós porteiros encargounos por grupos de cada unha das portas. Así o dispuxera David, o home de Deus.

¹⁵Non se desviaron do que o rei lles mandara ós sacerdotes e ós levitas en cousa ningunha, nin sequera no referente ós almacéns.

¹⁶Así levou a cabo toda a obra desde o día en que puxo os cimentos do templo do Señor ata a súa terminación.

¹⁷Salomón dirixiuse entón a Esion—Guéber e Elat, na costa de Edom. Por medio dos seus ministros,

¹⁸Hiram envioulle unha flota e mariñeiros expertos. Foron a Ofir cos escravos de Salomón e trouxeron de alí ó rei Salomón uns dezaseis mil quilos de ouro.