Read Biblia SEPT Nehemías 11 Bible Online

Nehemías 11 - Biblia SEPT bible

Nehemías 11

¹Os xefes vivían en Xerusalén. O resto do pobo botou as sortes para facer vir un home de cada dez para que habitase en Xerusalén, a cidade santa, e os nove restantes nas vilas.

²O pobo deu o seu parabén a todos cantos foron de grado para vivir en Xerusalén.

³Lista dos xefes da provincia que fixaron a súa residencia en Xerusalén e nos pobos de Xudá. Cada un residiu na súa propiedade, na súa propia vila: os israelitas, os sacerdotes, os levitas, os servidores e os fillos dos servidores de Salomón.

⁴En Xerusalén, habitaban algúns dos fillos de Xudá e de Benxamín. Entre os fillos de Xudá: Ataías, fillo de Ozías, fillo de Zacarías, fillo de Amarías, fillo de Xefatías, fillo de Mahalalel, de entre os fillos de Peres.

⁵E Maseías, fillo de Baruc, fillo de Col—Hozeh, fillo de Hazaías, fillo de Adaías, fillo de Ioiarib, fillo de Zacarías, fillo do xelonita.

⁶Todos os fillos de Peres vivían en Xerusalén en número de catrocentos sesenta e oito homes de armas.

⁷Velaquí os benxaminitas: Salú, fillo de Mexulam, fillo de Ioed, fillo de Pedaías, fillo de Colaías, fillo de Maseías, fillo de Itiel, fillo de Isaías.

⁸E despois: Gabbai, Salai: 928.

⁹E Ioel, fillo de Zicrí, era o inspector, mentres que Iehudah, fillo do Senuah, era o segundo na vila.

¹⁰Entre os sacerdotes: Iedaías fillo de Ioiarib, Iaquín,

¹¹Seraías, fillo de Hilquías, fillo de Mexulam, fillo de Sadoc, fillo de Meraiot, fillo de Ahitub, príncipe da casa de Deus,

¹²como tamén todos os seus irmáns que traballaban na casa de Deus: 822; Adaías, fillo de Ieroham, fillo de Pelalías, fillo de Amsí, fillo de Zacarías, fillo de Pashuz, fillo de Malquías

¹³e os seus irmáns, xefes de familia: 242; Amasai, fillo de Azarel, fillo de Ahzai, fillo de Mexilemot, fillo de Imer,

¹⁴e os seus irmáns, homes valentes: 128. O meu inspector era Zabdiel, fillo dos guedolitas.

¹⁵Entre os levitas: Xemaías, fillo de Haxub, fillo de Azricam, fillo de Haxabías, fillo de Buní,

¹⁶e Xabtai e Iozabad; entre os xefes dos levitas que tiñan ó seu cargo as obras exteriores do templo de Deus;

¹⁷Matanías, fillo de Mikah, fillo de Zabdí, fillo de Asaf, o primeiro que dirixiu o canto e os rezos; Bacbuquías, o segundo dos seus irmáns, e Avdá, fillo de Xammúah, fillo de Galal, fillo de Iedutún.

¹⁸Todos os levitas da cidade santa: 284.

¹⁹Os porteiros: Acub, Talmón, e os seus irmáns, que facían garda nas portas: 172.

²⁰O resto de Israel, sacerdotes, levitas, moraban en todas as vilas de Xudá, cadaquén na súa propiedade.

²¹Os servos habitaban o Ofel; Sihá e Guixpá eran os xefes dos servos.

²²O inspector dos levitas en Xerusalén era Ozzí, fillo de Baní, fillo de Haxabías, fillo de Matanías, fillo de Micá, de entre os fillos de Asaf; eran os cantores en activo na casa de Deus.

²³Había, en efecto, unha orde do rei respecto deles e un acordo concernente ós cantores, día a día.

²⁴Petahías, fillo de Mexezabel, de entre os fillos de Zérah, fillo de Xudá, vivía onda o rei para todo canto concernía ó pobo.

²⁵Nas aldeas e campos, os fillos de Xudá habitaban en Quiriat—Arbá e arredores, en Dibón e arredores, en Iecabsel e as súas aldeas,

²⁶en Iexúa, en Moladah, en Bet—Pélet,

²⁷en Hasar—Xual, en Beerxeba e arredores,

²⁸en Siclag, en Meconah e arredores,

²⁹en Ein—Rimón, en Sorah e en Iarmut,

³⁰en Zanóah, Adulam e as súas aldeas, en Láquix e nos seus campos, en Azecah e arredores. Establecéronse desde Beerxeba ata o val de Hinnom.

³¹Os fillos de Benxamín establecéronse mais alá de Gueba, en Micmás, Aiah, Betel e arredores,

³²en Anatot, Nob, Ananías,

³³Hasor, Ramah, Guitaim,

³⁴Hadid, Seboín, Nebalat,

³⁵Lod e Onó, o val dos Obreiros.

³⁶Entre os levitas, algúns das rexións de Xudá foron a Benxamín.