Read Biblia SEPT Nehemías 7 Bible Online

Nehemías 7 - Biblia SEPT bible

Nehemías 7

¹Rematada a muralla, puxen as portas e fóronlles asignados os cargos ós porteiros, cantores e levitas.

²Puxen tamén á fronte de Xerusalén a meu irmán Hananí, e Hananías, xefe da fortaleza, pois era un home honrado que temía ó Señor, máis ca outros moitos.

³Díxenlles: —"As portas de Xerusalén non se abrirán antes de que quente o sol e, mentres os porteiros non estean no seu posto, seguirán pechadas solidamente. Organizarase unha quenda de garda cos habitantes de Xerusalén, uns desde os seus postos e outros diante das súas casas".

⁴A cidade era grande e moi extensa polos dous lados, mentres que os habitantes eran poucos e non se reconstruían casas.

⁵O meu Deus inspiroume entón reunir os notables, as autoridades e o pobo para facer o rexistro. Atopei o libro do censo dos primeiros que subiran, no que estaba escrito:

⁶Habitantes da provincia que regresaron do desterro, onde os levou cativos Nabucodonosor, rei de Babilonia, e volveron a Xerusalén e a Xudá, cada un ó seu pobo.

⁷Viñeron con Zerubabel, Xosué, Nehemías, Azarías, Raamías, Nahamani, Mardoqueo, Bilxán, Mispéret, Bigvai, Nehúm, Banah. Número de homes do pobo de Israel:

⁸os fillos de Parox: 2.172 ;

⁹fillos de Xafatías: 372;

¹⁰os fillos de Arah: 652;

¹¹os fillos de Pahat—Moab, isto é os fillos de Iexúa e Ioab: 2.818;

¹²os fillos de Elam: 1.254;

¹³os fillos de Zatú: 845;

¹⁴os fillos de Zaqueo: 760;

¹⁵os fillos de Binuí: 648;

¹⁶os fillos de Bebai: 628;

¹⁷os fillos de Azgad: 2.322;

¹⁸os fillos de Adonicam: 667;

¹⁹os fillos de Bigvai: 2.067;

²⁰os fillos de Adín: 655;

²¹os fillos de Ater, é dicir, de Ezequías: 98;

²²os fillos de Haxum: 328;

²³os fillos de Besai: 324;

²⁴os fillos de Harif: 112;

²⁵os fillos de Gabaón: 95;

²⁶os homes de Belén e Netofah: 188;

²⁷os homes de Anatot: 128;

²⁸os homes de Bet—Azmávet: 42;

²⁹os homes de Quiriat—Iearim, Kefirah e Beerot: 743;

³⁰os homes de Ramah e Gueba: 621;

³¹os homes de Micmás: 122;

³²os homes de Bet—el e Ai: 123;

³³os homes do outro Nebó: 52;

³⁴os fillos dun segundo Elam: 1.254;

³⁵os fillos de Harim: 320;

³⁶os fillos de Iericó: 345;

³⁷os fillos de Lod, Hadid e Onó: 721;

³⁸os fillos de Senaah: 3.930.

³⁹Os sacerdotes: os fillos de Iedaías, é dicir, a casa de Xosúe: 973;

⁴⁰os fillos de Imer: 1.052;

⁴¹os fillos de Paxhur: 1.247;

⁴²os fillos de Harim: 1.017.

⁴³Os levitas: os fillos de Iexúa, é dicir, Cadmiel, os fillos de Hodvá: 74.

⁴⁴Os cantores: os fillos de Asaf: 148.

⁴⁵Os porteiros: os fillos de Xalum, os fillos de Ater, os fillos de Talmón, os fillos de Acub, os fillos de Hatita, os fillos de Xobai: 138.

⁴⁶Os servidores: os fillos de Sihá, os fillos de Hasufá, os fillos de Tabaot,

⁴⁷os fillos de Querós, os fillos de Siá, os fillos de Padón,

⁴⁸os fillos de Lebanah, os fillos de Hagabah, os fillos de Xalmai,

⁴⁹os fillos de Hanán, os fillos de Guidel, os fillos de Gahar,

⁵⁰os fillos de Reaías, os fillos de Reín, os fillos de Necodá,

⁵¹os fillos de Gazam, os fillos de Uzá, os fillos de Paséah,

⁵²os fillos de Besai, os fillos de Meunim, os fillos de Nefixim,

⁵³os fillos de Bacbuc, os fillos de Hacufá, os fillos de Harhur,

⁵⁴os fillos de Baslit, os fillos de Mehidá, os fillos de Harxá,

⁵⁵os fillos de Barcós, os fillos de Siserá, os fillos de Tamah,

⁵⁶os fillos de Necías, os fillos de Hatifá.

⁵⁷Os fillos dos servidores de Salomón: os fillos de Sotai, os fillos de Soféret, os fillos de Peridá,

⁵⁸os fillos de Ialá, os fillos de Darcón, os fillos de Guidel,

⁵⁹os fillos de Xefatías, os fillos de Hatil, os fillos de Poquéret—Ha—Sebaim, os fillos de Amón.

⁶⁰Todos os servidores de Salomón: 392.

⁶¹E velaquí os que subiron de Tel—Mélah, Tel—Hará, Kerub—Adón e Imer e que puideron demostrar se a súa casa paterna e a súa raza viñan certamente de Israel:

⁶²os fillos de Delaías, os fillos de Tobías, os fillos de Necodá: 642;

⁶³e algúns de entre os sacerdotes: os fillos de Hobaia, os fillos de Hacós, os fillos de Barzilai —o que casara cunha das fillas de Barzilai o galaadita e herdara o seu nome.

⁶⁴Estas xentes buscaron o seu rexistro de xenealoxías e non o atoparon; entón foron declarados ilexítimos, excluídos do sacerdocio.

⁶⁵E o gobernador díxolles que non comesen dos alimentos sagrados, ata que chegase algún dos sacerdotes experto na consulta dos urim e tummim.

⁶⁶Toda a asemblea sumaba 42.360 persoas,

⁶⁷sen contar os servidores e servidoras que eran 7.337. Tiña 245 cantores e cantoras,

⁶⁸435 camelos e 6.720 asnos.

⁶⁹Unha parte dos cabezas de familia fixeron donativos para as obras. O gobernador deu ó tesouro mil dracmas de ouro, cincuenta copas, cincocentas trinta túnicas sacerdotais.

⁷⁰Algúns dos xefes de familia deron ó tesouro da obra vinte mil dracmas de ouro e dúas mil duascentas minas de prata, cincuenta copas, e trinta e cinco túnicas sacerdotais.

⁷¹E algúns dos cabezas de familia deron para o tesouro da obra vinte mil dracmas de ouro e dúas mil duascentas minas de prata.

⁷²Entón os sacerdotes, os levitas, porteiros, cantores, servidores e todos os israelitas establecéronse nos seus pobos. Chegado o sétimo mes, os fillos de Israel habitaban xa nas súas vilas.