Read Biblia SEPT Salmos 1 Bible Online

Salmos 1 - Biblia SEPT bible

Salmos 1

¹Benaventurado aquel que non se guía polo consello dos malvados, nin se detén no camiño dos pecadores, nin senta na xunta dos burlóns,

²senón que ten o seu contento na vontade do Señor e nela remoe día e noite.

³É coma árbore plantada onda os regueiros: dá froito ó seu tempo, as súas follas non murchan, e todo o que fai acaba ben.

⁴Non son así os malvados, serán coaño que leva o vento.

⁵Abofé non se erguerán os malvados no xuízo nin os pecadores no concello dos xustos,

⁶pois do camiño dos xustos coida o Señor, mentres vai á perdición o camiño dos malvados.