Read Biblia SEPT Salmos 101 Bible Online

Salmos 101 - Biblia SEPT bible

Salmos 101

¹Salmo de David. Cantarei o amor e a xustiza, loareite a ti, Señor.

²Quero atopar a senda recta, cando virás a min? Quero andar con mente pura dentro da miña casa.

³Non cobizo a vaidade, aborrezo os rebeldes: a min non se achegarán.

⁴Apartaranse de min os malfeitores, non terei tratos cos malvados.

⁵O que calumnie en segredo ó seu veciño fareino eu calar. Os soberbios e ós altivos non os aturarei.

⁶Os meus ollos fíxanse nos leais: eles habitarán comigo. O que anda por camiño recto ese é o que me serve.

⁷Non terá asento onda min o facedor de engano; o que conta mentiras non permanecerá ante os meus ollos.

⁸Cada mañá farei calar ós malvados da terra, ata arrincar da cidade do Señor a todos os malfeitores.