Read Biblia SEPT Salmos 110 Bible Online

Salmos 110 - Biblia SEPT bible

Salmos 110

¹Salmo de David. Palabra do Señor ó meu señor: —"Senta á miña dereita mentres poño os teus inimigos por estrado dos teus pés".

²O cetro do poder mándacho o Señor desde Sión: domina nos teus inimigos.

³—"Es príncipe desde o día que naciches, tes aura sagrada desde o seo, desde o albor da túa infancia".

⁴O Señor xurouno, e non se arrepinte: —"Ti es sacerdote para sempre conforme ó rito de Melquisedec".

⁵A túa dereita o Señor esmaga reis, no día da súa cólera,

⁶xulga xentes, amorea cadáveres, esmaga cabezas sobre a vasta terra.

⁷Bebe do regato, no camiño, e de seguida ergue a cabeza.