Read Biblia SEPT Salmos 115 Bible Online

Salmos 115 - Biblia SEPT bible

Salmos 115

¹Non a nós, Señor, non a nós, senón ó teu nome dálle a gloria, polo teu amor e a túa fidelidade.

²Por que han dicir as xentes?: —"Onde está o seu Deus?"

³O noso Deus está no ceo e fai todo canto se propón.

⁴Os seus ídolos son prata e ouro, feitura das mans dos homes.

⁵Teñen boca e non falan, teñen ollos e non ven,

⁶teñen orellas e non oen, teñen nariz e non olen,

⁷teñen mans e non apalpan, teñen pés e non andan, a súa gorxa non ten voz.

⁸Coma eles son os que os fan e cantos neles confían.

⁹Israel confía no Señor, El é o seu auxilio e o seu escudo;

¹⁰A casa de Aharón confía no Señor: El é o seu auxilio e o seu escudo;

¹¹os amigos do Señor confían no Señor: El é o seu auxilio e o seu escudo.

¹²Que o Señor se lembre de nós e nos bendiga: bendita a casa de Israel, bendita a casa de Aharón,

¹³benditos os amigos do Señor, os pequenos e os grandes.

¹⁴Que o Señor vos faga medrar, a vós e a vosos fillos.

¹⁵Benditos sexades do Señor, que fixo o ceo e mais a terra.

¹⁶O ceo perténcelle ó Señor, e a terra déullela ós homes.

¹⁷Os mortos non loan ó Señor nin os que baixan ó silencio.

¹⁸Pero nós bendicimos o Señor, agora e por sempre. Aleluia.