Read Biblia SEPT Salmos 12 Bible Online

Salmos 12 - Biblia SEPT bible

Salmos 12

¹Do mestre do coro, co octacordio. Salmo de David.

²Salva, Señor, que se acaban os xustos, desaparecen os rectos de entre os homes.

³Falsidade é o que se din uns ós outros, linguaxe garatuxeira e fraudulenta a que falan.

⁴Arrinque o Señor todos os labios aloumiñeiros e as linguas arrogantes dos que din:

⁵—"A lingua é a nosa forza, contamos cos nosos labios: quen será o noso dono?".

⁶—"Pola opresión dos humildes e os xemidos dos pobres, agora mesmo me levanto —di o Señor—: porei en salvo a todos os que o arelan".

⁷Os ditos do Señor son ditos verdadeiros, prata limpa de escoura, sete veces refinada.

⁸Ti, Señor, hasnos gardar, librarasnos para sempre desta xente.

⁹Irán sen rumbo os malvados, mentres os humildes se erguen.