Read Biblia SEPT Salmos 124 Bible Online

Salmos 124 - Biblia SEPT bible

Salmos 124

¹Cántiga das subidas, de David. Se o Señor non estivese connosco, —que o diga Israel—,

²se o Señor non estivese connosco, cando se ergueron os homes contra nós,

³teríannos engulido vivos no incendio da súa ira;

⁴As augas xa nos terían asolagado e o torrente pasado sobre nós;

⁵xa nos terían mergullado as augas escumantes.

⁶Bendito sexa o Señor, que non nos fixo presa dos seus dentes.

⁷A nosa vida é coma o paxaro que se zafa da trampa do cazador. Rómpese a trampa, e nós escapamos.

⁸O noso socorro está no nome do Señor, que fixo o ceo e mais a terra.