Read Biblia SEPT Salmos 127 Bible Online

Salmos 127 - Biblia SEPT bible

Salmos 127

¹Cántiga das subidas, de Salomón. Se o Señor non fai a casa, en balde se esforzan os canteiros. Se o Señor non garda a cidade, en balde vixían as sentinelas.

²En balde vós madrugades e tardades en deitarvos: comedes pan de traballos, cando el llelo dá ós seus amigos mentres dormen.

³Os fillos son a herdanza do Señor; o froito do ventre, o seu xornal.

⁴Coma as setas na man do guerreiro, así os fillos da mocidade.

⁵Feliz quen encheu deles a súa alxaba: non se verá avergonzado cando discuta cos inimigos na praza.