Read Biblia SEPT Salmos 130 Bible Online

Salmos 130 - Biblia SEPT bible

Salmos 130

¹Cántiga das subidas. Desde os abismos chámote, Señor;

²escoita, Señor, a miña voz. Ten atentos os oídos ó clamor da miña súplica.

³Se ti levas conta dos pecados, quen, Señor, se terá en pé?

⁴Mais en ti está o perdón, para te faceres respectar.

⁵Eu espero no Señor, a miña alma espera; eu confío na súa palabra.

⁶A miña alma vólvese ó Señor, máis do que os vixías á aurora. Se os vixías esperan a aurora,

⁷que Israel espere ó Señor, pois no Señor está o amor e a redención cumprida.

⁸El é quen redime a Israel de todos os pecados.