Read Biblia SEPT Salmos 136 Bible Online

Salmos 136 - Biblia SEPT bible

Salmos 136

¹Loade o Señor porque é bo, porque o seu amor é eterno.

²Loade o Deus dos deuses, porque o seu amor é eterno;

³loade o Señor dos señores, porque o seu amor é eterno.

⁴Só El fai grandes prodixios, porque o seu amor é eterno.

⁵Fixo os ceos con saber, porque o seu amor é eterno;

⁶Asentou a terra sobre as augas, porque o seu amor é eterno.

⁷Fixo luminarias xigantes, porque o seu amor é eterno;

⁸o sol para que rexa o día, porque o seu amor é eterno;

⁹A lúa e as estrelas para que rexan a noite, porque o seu amor é eterno.

¹⁰Feriu os primoxénitos de Exipto, porque o seu amor é eterno;

¹¹sacou de entre eles a Israel, porque o seu amor é eterno,

¹²con man forte e brazo rexo, porque o seu amor é eterno.

¹³Partiu en dous o mar Rubio, porque o seu amor é eterno;

¹⁴fixo pasar polo medio a Israel, porque o seu amor é eterno;

¹⁵Alagou no mar Rubio ó faraón co seu exército, porque o seu amor é eterno.

¹⁶Guiou ó seu pobo no deserto, porque o seu amor é eterno;

¹⁷feriu a grandes reis, porque o seu amor é eterno;

¹⁸matou a reis poderosos, porque o seu amor é eterno;

¹⁹A Sihón, rei dos amorreos, porque o seu amor é eterno,

²⁰A Og, rei de Baxán, porque o seu amor é eterno.

²¹Deulles a súa terra en herdanza, porque o seu amor é eterno,

²²en herdanza a Israel, o seu servidor, porque o seu amor é eterno.

²³No noso abatemento acórdase de nós, porque o seu amor é eterno,

²⁴e líbranos dos nosos opresores, porque o seu amor é eterno.

²⁵Dálle mantenza a todo ser vivo, porque o seu amor é eterno.

²⁶Loade o Deus dos deuses, porque o seu amor é eterno.