Read Biblia SEPT Salmos 14 Bible Online

Salmos 14 - Biblia SEPT bible

Salmos 14

¹Do mestre do coro. De David. Pensan os parvos para si: —"Deus non está". Corrompidos, de conduta abominable: non hai quen faga o ben.

²O Señor observa os homes desde o ceo, para ver se hai algún asisado, algún que pregunte por Deus.

³Andan todos desviados, por xunto corrompidos; non hai quen faga o ben, non hai sequera un.

⁴Pero non aprenderán os malfeitores? Engolen o meu pobo coma pan, sen preguntar polo Señor.

⁵Alá treman de pavor, porque Deus está cos xustos.

⁶Desprezades o proxecto dos pobres, pero o Señor é o seu refuxio.

⁷Quen lle traerá de Sión a salvación a Israel? Cando vire o Señor a sorte do seu pobo, exultará Xacob, alegrarase Israel.