Read Biblia SEPT Salmos 142 Bible Online

Salmos 142 - Biblia SEPT bible

Salmos 142

¹Poema, de David. Cando estaba na caverna. Pregaria.

²Clamo a voces polo Señor, cara ó Señor eu suplico;

³verto diante del a miña queixa, conto diante del o meu apuro.

⁴Cando o espírito se me encolle, ti coñeces os meus vieiros. No camiño por onde vou téñenme postas trampas.

⁵Miro á dereita para ver, e non hai un coñecido. Non teño onde refuxiarme, non hai quen coide de min.

⁶Cara a ti clamo, Señor, e digo: —"Ti es o meu refuxio, a miña sorte na terra da vida".

⁷Atende ó meu clamor, pois estou esgotado. Líbrame dos meus perseguidores, pois son máis fortes ca min.

⁸Tírame da prisión, e loarei o teu nome. En min veranse os xustos coroados, porque ti cumpres comigo.