Read Biblia SEPT Salmos 146 Bible Online

Salmos 146 - Biblia SEPT bible

Salmos 146

¹Aleluia. Loa, miña alma, o Señor.

²Loarei o Señor, mentres viva, cantareille ó meu Deus, mentres exista.

³Non confiedes nos potentes, humanos que non poden salvar.

⁴Vaise deles o alento, e retornan á terra, e con eles esvaecen os seus proxectos.

⁵Feliz quen ten no Deus de Xacob a súa axuda, no Señor, o seu Deus, a súa esperanza.

⁶El fixo o ceo e mais a terra, o mar e todo o que contén.

⁷El garda por sempre a súa fidelidade: failles xustiza ós oprimidos e dálles pan ós famentos. O Señor libra os cativos,

⁸o Señor abre os ollos dos cegos, o Señor endereita os dobrados, o Señor ama os xustos.

⁹O Señor protexe os forasteiros, sostén os orfos e as viúvas, extravía os camiños dos malvados.

¹⁰Reine o Señor por sempre, o teu Deus, Sión, polas xeracións. Aleluia.