Read Biblia SEPT Salmos 15 Bible Online

Salmos 15 - Biblia SEPT bible

Salmos 15

¹Salmo de David. Quen, Señor, se hospedará na túa tenda? Quen habitará no teu monte santo?

²Aquel que anda rectamente e practica a xustiza: que ten sinceridade no corazón

³e non calumnia coa súa lingua; o que non lle fai mal ó veciño e non difama ó seu próximo;

⁴o que estima desprezable ó malvado e aprecia os que temen ó Señor; o que non se vira no xuramento, aínda que sexa no seu dano;

⁵o que non presta con usura o seu diñeiro e non se deixa subornar contra o inocente. Quen así se comporte, endexamais non perecerá.