Read Biblia SEPT Salmos 16 Bible Online

Salmos 16 - Biblia SEPT bible

Salmos 16

¹Poema, de David. Gárdame, Deus, que en ti busco agarimo.

²Eu dígolle ó Señor: —"Ti es o meu dono, só ti es o meu ben".

³Outros van cos deuses da terra, teñen afecto ós poderosos.

⁴Fan ídolos sen conta e van correndo tras eles. Eu non quero verter as súas libacións de sangue nin pronunciar cos meus labios os seus nomes.

⁵Ti es, Señor, a miña herdade e a miña sorte, ti coidas do meu porvir.

⁶As sortes caéronme en bo eido, gústame a miña herdade.

⁷Bendigo ó Señor que me guía e mesmo de noite me ensina no meu íntimo.

⁸Teño ó Señor sempre diante; con El á dereita non caerei.

⁹Por iso o meu corazón está contento, as miñas entrañas reloucan e o meu corpo está seguro.

¹⁰Ti non abandonarás á morte a miña vida, nin deixarás que o teu amigo vexa a corrupción.

¹¹Mostrarasme o camiño da vida: a túa presenza éncheme de alegría; a túa dereita, de gozo eterno.