Read Biblia SEPT Salmos 3 Bible Online

Salmos 3 - Biblia SEPT bible

Salmos 3

¹Salmo, de David. Cando fuxía do seu fillo Abxalom.

²Señor, moitos son os meus opresores, moitos os que se levantan contra min,

³moitos os que din de min: —"Non ten salvación de Deus".

⁴Mais ti es, Señor, o meu escudo, a miña gloria e o meu triunfo.

⁵Chamo a berros polo Señor, e El respóndeme desde o seu monte santo.

⁶Déitome, durmo e acordo, e, namentres, sostenme o Señor.

⁷Non teño medo á multitude que está arredor contra min.

⁸Érguete, Señor; sálvame, meu Deus. Ti dáslles na cara ós meus inimigos e rómpeslles os dentes ós malvados.

⁹Ti tes, Señor, a salvación e a bendición para o teu pobo.