Read Biblia SEPT Salmos 4 Bible Online

Salmos 4 - Biblia SEPT bible

Salmos 4

¹Do mestre do coro, con instrumentos de corda. Salmo, de David.

²Cando te chame, respóndeme, Deus, meu liberador; ti que na angustia me consolas, apiádate e escoita a miña oración.

³Ata cando, homes, aldraxaredes o meu nome, Amaredes vaidade e buscaredes o engano?

⁴Sabede que o Señor fai milagres co seu amigo, que o Señor me escoita, cando o chamo.

⁵Tremede e non pequedes, meditade nos vosos leitos e calade;

⁶ofrecede sacrificios xustos e confiade no Señor.

⁷Moitos din: —"Quen nos mostrará a felicidade, se fuxiu de nós, Señor, a luz da túa presenza?"

⁸Ti pos no meu corazón maior ledicia cá dos que teñen fartura de trigo e de viño.

⁹En paz déitome e logo adormezo, porque só ti, Señor, me dás seguridade.