Read Biblia SEPT Salmos 46 Bible Online

Salmos 46 - Biblia SEPT bible

Salmos 46

¹Do mestre do coro. Dos coreítas, segundo Alamot, cántiga.

²Deus é para nós refuxio e forza, axuda certa na angustia.

³Por iso non tememos, aínda que a terra trema e os montes abalen cara ó mar;

⁴Aínda que fervan e escumen as súas augas e se estremezan os montes coa súa furia. O Señor dos exércitos está connosco, o noso castelo é o Deus de Xacob.

⁵Un río: as súas correntes alegran a cidade de Deus, a morada santa do Altísimo.

⁶Deus está no medio dela, e non pode caer, Deus socórrea, ó despuntar o día.

⁷Brúan as xentes, revólvense os reinos; fai El tronar, e derrétese a terra.

⁸O Señor dos exércitos está connosco, o noso castelo é o Deus de Xacob.

⁹Vinde e vede as obras do Señor, o que fai escarmentos na terra.

¹⁰Contén a guerra en todos os confíns, rompe os arcos, quebra as lanzas, queima os carros de guerra.

¹¹—"Desistide e recoñecede que eu son Deus, por riba das xentes, por riba da terra".

¹²O Señor dos exércitos está connosco, o noso castelo é o Deus de Xacob.