Read Biblia SEPT Salmos 6 Bible Online

Salmos 6 - Biblia SEPT bible

Salmos 6

¹Do mestre do coro, con instrumentos de corda, co octacordio. Salmo de David.

²Señor, non me reprendas con ira nin me corrixas con asaño.

³Apiádate, Señor, que estou esmorecido, sándame, Señor, que tremen os meus ósos.

⁴A miña alma treme, e ti, Señor, a que esperas?

⁵Volve, Señor, sálvame a vida, líbrame, pola túa misericordia.

⁶Non hai entre os mortos quen te lembre, e no abismo quen te loa?

⁷Estou esgotado de tanto xemer: de noite rego cos choros o meu leito e mollo de bágoas a miña cama.

⁸Os meus ollos están anubrados coa dor, avellados, por culpa dos opresores.

⁹Arredádevos de min os malfeitores, pois o Señor escoita o meu salouco;

¹⁰o Señor escoita a miña súplica, acolle a miña oración.

¹¹Avergonzaranse e tremerán os meus inimigos, nun instante volverán avergonzados.