Read Biblia SEPT Salmos 63 Bible Online

Salmos 63 - Biblia SEPT bible

Salmos 63

¹Salmo de David. Cando se encontraba no deserto de Xudá.

²Deus, meu Deus, por ti madrugo, de ti ten sede a miña alma; por ti devece o meu corpo, en terra reseca, sedento e sen auga.

³Miro cara a ti no santuario, para ver o teu poder e a túa gloria.

⁴O teu amor é mellor cá vida, lóante os meus labios;

⁵toda a miña vida te bendigo e levanto no teu nome as miñas mans.

⁶Como de graxa e manteiga, estou satisfeito, con labios alegres lóate a miña boca.

⁷No leito relémbrote, nas vixilias da noite penso en ti.

⁸Ti es o meu auxilio, á sombra das túas ás estou contento;

⁹A ti está unida a miña alma, a túa dereita é o meu apoio.

¹⁰Os que queren a miña ruína baixarán ó profundo da terra;

¹¹caerán ó fío da espada, serán ración dos chacais.

¹²En Deus alégrase o rei, gloríanse os que xuran no seu nome, mentres pechan a boca os mentireiros.