Read Biblia SEPT Salmos 98 Bible Online

Salmos 98 - Biblia SEPT bible

Salmos 98

¹Salmo. Cantádelle ó Señor un cántico novo, pois fixo marabillas, a súa dereita e o seu brazo déronlle a vitoria.

²O Señor dá a coñecer a súa salvación, revela a súa xustiza ante os pobos.

³Lembra o seu amor e a súa fidelidade coa casa de Israel. Os pobos todos verán a salvación do noso Deus.

⁴Aclama ó Señor, terra enteira, rompede a cantar e a tocar.

⁵Tocade para o Señor a cítara, a cítara e o salterio;

⁶con claríns e con trompetas aclamade ó Señor, noso rei.

⁷Brúe o mar e canto o enche, o mundo e cantos o habitan;

⁸Aplaudan os ríos, xuntos canten os montes,

⁹diante do Señor que vén para rexer a terra. El rexerá o mundo con xustiza e os pobos con rectitude.