Read Biblia SEPT Isaías 12 Bible Online

Isaías 12 - Biblia SEPT bible

Isaías 12

¹O día aquel dirás: "Douche as grazas, Señor. Estabas anoxado comigo, pero calmouse a túa ira, e consoláchesme.

²Velaí, Deus é a miña salvación, terei confianza, e non medo. El é a miña forza, por isto loareino. Si, o Señor é a miña salvación".

³Sacaredes auga con gozo das fontes de salvación.

⁴O día aquel diredes: "Dádelle grazas ó Señor, invocade o seu nome. Dade a coñecer entre os pobos os seus feitos, facédelle a lembranza de que é grande o seu Nome.

⁵Cantádelle ó Señor. De verdade fixo cousas magníficas, que serán coñecidas en toda a terra.

⁶Clamade con gozo e ledicia, habitantes de Sión: Que grande é no medio de ti o Santo de Israel".