Read Biblia SEPT Xeremías 47 Bible Online

Xeremías 47 - Biblia SEPT bible

Xeremías 47

¹Circunstancia na que a palabra do Señor lle veu ó profeta Xeremías acerca dos filisteos; foi antes de que o Faraón castigara a Gaza.

²Velaí que desde o Norte están a subir augas que se volven un río afagador, alagan a capital do país e ós que a enchen, a cidade e ós que nela habitan. Gritan os homes e laméntase todo o que vive na capital.

³Pola troupeleada dos cascos dos seus cabalos, polo retumbar dos carros, polos rechíos das rodas. Os pais xa non miran polos fillos, polo cansazo dos seus brazos,

⁴Ante o día que chega para acabar con todos os filisteos, para apartar de Tiro e de Sidón a todos os fuxitivos que poden axudar. Si, o Señor destrúe ós filisteos, ó resto da illa de Creta.

⁵Chégalle a Gaza o día de rapar a cabeza, o lamentarse chega para Axquelón. Resto da chaira filistea, por canto tempo aínda farás incisións en ti mesma?

⁶Ai! A espada do Señor! Xa nunca non estarás quieta? Recóllete na vaíña, descansa e para quieta.

⁷Como vas estar quieta, se o Señor che mandou dominar? A Axquelón e á beira do mar, aí foi onde te destinou.