Read Biblia SEPT Ezequiel 15 Bible Online

Ezequiel 15 - Biblia SEPT bible

Ezequiel 15

¹Veume a palabra do Señor nestes termos:

²Fillo de Adam, que é a madeira da vide comparada coa de todas as árbores? As vides que lugar teñen entre as árbores do bosque?

³Cóllese, por acaso, dela a madeira para facer algo útil? Cóllese dela un gancho para colgar calquera cousa?

⁴Velaí, bótase no lume para que a consuma, e o lume consómelle as dúas puntas, e o seu centro arde en labarada; servirá, aínda, para algunha cousa?

⁵Se cando estaba enteira non se empregaba para cousa ningunha, moito menos, cando a consome o lume e arde en labarada, se poderá volver a empregar en obra útil!

⁶Por iso, así fala o meu Señor, Iavé: —O mesmo que entre a madeira do bosque eu destinei a madeira da vide para pasto do lume, así destinarei ó lume os habitantes de Xerusalén

⁷e dirixirei contra eles o meu noxo: escaparon do lume, pero o lume consumiraos. E vós recoñeceredes que eu son o Señor, cando dirixa contra eles a miña cara irada,

⁸e converta a súa terra nunha desolación, xa que se comportaron perfidamente —é o Señor quen fala—.